Byakubijika

◼ Mabuku akutambika mu December: Umuntu Wakulisha Uwabalile Abako uwa Mweo. Umvwe uno buku mufwaye, mwakonsha kutambika Baibolo—Cebo ca kwa Lesa Nelyo ca Muntu?, Icitabo Candi Ica Malyashi ya mu Baibolo, nangwa Kuti Waikala Kuli Pe na pe Muli Paradise Pe Sonde. January: Mwakonsha kutambika buku yense wamapeja 192 wanembelwe mwaka wa 1988 saka akyangye kufika. Bipwilo byabula ano mabuku akala aji namapeja 192 byafwainwa kutambika Ukusapika Lesa Ukwa Mutundu wa Muntu. February: Buku wafumine katataka wa Palameni Kuli Yehova yeukatambikwanga. March: Buku wa Kuyuka Kutangijila ku Bumi Bwa Myaka. Twafwainwa kwingila nangovu kutatula mafunjisho a Baibolo apanzubo.

◼ Mwane yukai’mba Kivuluko kyamumwaka wa 2004 kikekalako pa Mulungu, April 4, pakuzhika juba. Kino kyabijikilwa jimo kuba’mba balongo batatule kunengezhezha jimo nekwisambila jimo nabaji nabishimikwa bikatampe umvwe kyakuba bipwilo byavula bingijisha Nzubo ya Bufumu imo, kabiji nekwibakwashako kumwena jimo bipe bikwabo. Bakulumpe mukipwilo bafwainwa kwitabanzhenya jimo nabene bena kishimikwa kyobakapwilamo nekumona kuba’mba pakyokyo kimye mukishimikwa kechi mukekalapo byakubauba bikwabo byakonsha kuvulañanyane, pakuba’mba Kivuluko kikavulukwe mumutende kabiji pabula kiwowo. Namambo abuneme bwakyo, pakusala ñambi ukamba jashi ja Kivuluko, jibumba jabakulumpe mukipwilo jafwainwa kusala mukulumpe wafwainwa kwamba bulongo kyakine kine, kechi kutongolatu uji yense nangwa kwingijishatu mulongo umo pamwaka pamwakane. Umvwe paji mukulumpe mukipwilo wamubashingwa wafwainwa kwamba bulongo, yewakonsha kusalwa kwamba jino jashi.

◼ Basapwishi bonse babatizwa bakonsha kutambula kikachi kya Mukambizho Wapainwa Jimo Kwiba Dokotala/Wakwibafumya Mumambo netubikachi twabaana babo twa Identity Card Pakupwila Kwamwingilo kwamulungu wa January 6.

◼ Kuji lupimpu lwaubiwa mujishinda jikobilwangamo Sukulu ya Mwingilo wa Teokalasi kimye kyakufwakasha kwa Mukulumpe Wakijiiji. Kutatula mu January 2003, panyuma yalwimbo nelulombelo lwakushinkwila, sukulu ikobiwanga mumaminiti 25. Kukekalanga jashi jamaminiti 5 jañambilo, jashi jakufunda jamaminiti 10, nejashi jabishinka bikatampe kufuma mukutanga Baibolo jamaminiti10. Majashi nambala 2, 3, ne 4 kechi akekalangakone. Sukulu umvwe yapwa, kukekalanga kupwila kwamwingilo kwamaminititu 30. Panyuma yakino pakembiwanga lwimbo, kepo kukekalanga jashi jamaminiti 30 jikambanga mukulumpe wakijiiji apa bino pakalondelenga lwimbo nelulombelo lwakushinkila kupwila.

◼ Mabuku Akatataka Ajipo:

Sambilileni Ukulemba no Kubelenga—mu Kibemba