Byakubijika
◼ January: Mwakonsha kutambika buku yense wamapeja 192 wanembelwe mwaka wa 1988 saka akyangye kufikane. Bipwilo byabula ano mabuku akala aji namapeja 192 byafwainwa kutambika Ukusapika Lesa Ukwa Mutundu wa Muntu. February: Buku wakatataka wa Palameni Kuli Yehova yeukatambikwanga. March: Buku wa Kuyuka Kutangijila ku Bumi Bwa Myaka. Twafwainwa kwingila nangovu kutatula mafunjisho a Baibolo apanzubo. April ne May: Mwakonsha kutambika Kyamba kya Usopa ne Loleni! Umvwe mwabwelako kubantu bakeba kufunda Baibolo, kuvwangakotu neboba bashinkwako kukivuluko nangwatu kubintu bikwabo bya teokalasi bino babula kwipizha nakipwilo, bakwashai nabuku wa Pepeni Lesa Wine Wine Eka wajinga kala wa Abaikatana mu Kupepa Lesa Umo Eka uwa Cine. Twafwainwa kwingila nangovu kutatula lufunjisho lwa Baibolo lwapanzubo kikatakata inge awo muntu wafunda kala buku wa Kuyuka ne buloshuwa wa Nanchi Lesa Ukebaka Kwiatweba?
◼ Kutatula mu February, kwakubula kukila pa March 2, jashi jamvula-bantu jikambiwanga nabakulumpe babijiiji jiji namutwe wakuba’mba “Kupokololwa ku Mfishi Yaino Ntanda.”
◼ Bipwilo byafwainwa kunengezha bulongo Kivuluko kyauno mwaka kikekalako Pakisatu, April 16, pakuzhika juba. Nangwa kyakuba jashi jakonsha kutatula bukiji, kupishamo bimpashañano kwafwainwa kutatulatu panyuma yakuzhika juba. Ipuzhai bipamo bimona ñendelo yaluvula bemubule muyuke bulongo kimye kizhikilamo juba koko kwenu. Umvwe bipwilo byavula bingijisha Nzubo ya Bufumu imo, kipwilo kimo nangwa bikwabo byakonsha kwingijisha kishimikwa kingi pajino juba. Kokyakonsha kubiwa, twikimona namba kyafwainwa kuwama inge kipwilo kimo kyapwisha kupwila, pafwainwa kupita maminiti 40 pakuba’mba kikwabo kitatule, pakuba’mba bonse bakobe bulongo kivuluko. Mwafwainwa kukokela nemizhilo yapamukwakwa, pakwimikila myotoka, nekumona papatamina nepapatukila bantu. Jibumba jabakulumpe mukipwilo jafwainwa kumonapo jishinda jimo jakonsha kwingila bulongo mumpunzha yomujiko.
◼ Mukulumpe utangijila mukipwilo ne Munembeshi bafwainwa kupituluka mubino bintu byalondelapo: Nanchi pajipo basapwishi bafuma mukipwilo nekuya kubipwilo bingi katatakanyi? Abya mabulañano atumwa kala kubakulumpe bamubipwilo byobayako pakuba’mba bano basapwishi bebatambwile nekwibakwasha kubalongo bakoko kobayanyi? Nanchi pajipo basapwishi baiya mukipwilo kyenu katatakanyi? Abya munembeshi wanembejile Banembeshi bakwabo bamubipwilo kwafuma banonyi? Nga bikachi bya basapwishi byatumiwa kalanyi?