Kupitulukamo Mu Sukulu Ya Mwingilo Wa Teokalasi
Ae mepuzho akekala akwisamba mu Sukulu ya Mwingilo wa Teokalasi mumulungu wakutendeka February 24, 2003. Utangijila sukulu ukepuzhatu ano mepuzho akupitulukamo kwamaminiti 30 mubyambo byafunjiwe mumajashi amilungu ya January 6 kufika ku February 24, 2003. [Yukaiˈmba: Pamepuzho pabula mabuku mwakutana mikumbu, mwafwainwa kwipesela-pesela anwe bene kutana mikumbu.—Monai buku wa Isukulu lya Butumikishi pp. 36-7]
ÑAMBILO
1. Kine nangwa Bubela: Kikebewa muntangilo yaluñama kekumona’mba byambo bibena kutangiwa bibena kumvwanyikatu bulongo nangwa kyakuba sabyapusanako nabyambo bine byanembwa. Londololai. [be-CW pe. 83]
2. Nembai mubishilwa mwashala: Pakuba’mba muntu aluñamikenga pakutanga, wafwainwa _________________________ kabiji wafwainwa kutanga najiwi jasansuka. [be-CW pe. 85]
3. Mamboka okyanemena kwamba bibena kumvwanyika? (1 Ko. 14:8, 9) [be-CW pe. 86]
4.Ñanyi bintu bimo byakonsha kulengela kumamata pakwamba, kabiji twakonsha kuba byepi pakuba’mba twambenga byambo bibena kumvwanyika? [be-CW mape. 87-8]
5.Ñanyi byambo byaambiwepo mu Sukulu ya Mwingilo wa Teokalasi pabañondo babiji bapita byomubena kulanguluka’mba mwafwainwa kwibipitulukangamo pakuba’mba mwibiluñamikenga pakwibitela? [be-CW pe. 92]
JASHI NA. 1
6. Kine nangwa Bubela: Meso etu akonsha kwitukwasha kuteleka. Londololai. [be-CW pe. 14]
7. Nembai mubishilwa mwashala: _________________________, _________________________, ne _________________________ byonse bingila monka mwibilengejile Lesa kumwesha kimye. [si-CW pe. 279 pala. 7]
8. Nembai mubishilwa mwashala: Mu Baibolo kyambo kya “juba” kyakonsha kulumbulula kimye kyamaawala _________________________, maawala _________________________, myaka _________________________, nangwa myaka _________________________, kwesakana namwayila byambo bibena kwambiwapo. [si-CW pe. 279 pala. 8]
9. Mamboka okyakatezha ano moba kwikala mwina Kilishitu wakine? [w01-KD 2/1 mapeja. 18-20 mapala. 1-12]
10. Twakonsha kwibikila byepi kikonkwanyi kyakwikala balumbuluka? [w01-KD 1/1 mape. 12-14 mapala. 1-11]
KUTANGA BAIBOLO KWAMULUNGU NEMULUNGU
11. Kine nangwa Bubela: Bufumu bwa Lesa byobwaikajikilwe mwiulu mu 1914, kechi kyafwainwa kabiji kulomba’mba, “Bufumu bwenu bufike” ne. (Mat. 6:10) Londololai. [be-CW pe. 279; w96-CW 6/1 pe. 31]
12. Kine nangwa Bubela: Byambo byakwa Yesu byanembwa mu Mateo 11:24 bilumbulula’mba aba Yehoba boaonawine namujilo mu Sodoma ne Gomola bakasangulwa. Londololai.
13. Salaipo Mukumbu Wafwainwa: Kalume wa kishinka ne wa maana Yesu yeatongola mu Mateo 24:45-47 ke (a) Jibumba Jitangijila ja Bakamonyi bakwa Yehoba; (b) jibumba jonse jabena Kilishitu bashingwa baji panopantanda pakimye kiji kyonse; (c) Yesu Kilishitu mwine. Uno kalume upana kajo kakumupashi kuba mu “nzubo” pakimye pafwainwa abo bemenako (a) bashingwa bonse pamuntu pamuntu; (b) mikooko ikwabo; (c) bonse batanga mabuku abwina Kilishitu. Nkambo wapele kalume bukulumpe bwa bantu banji mumwaka wa (a) 1914; (b) 33 C.E.; (c) 1919.
14. Salaipo Mukumbu Wafwainwa: Bukonde bwatongolwa mukishimpi kyakwa Yesu mu Mateo 13:47-50 bwavwangamo kipwilo kyabena Kilishitu bashingwa ne (a) Bufumu bwa Lesa bwa Bumesiasa; (b) balunda nabo bamikooko ikwabo; (c) Kilishitendomu.
15. Kwesakana namwayila byambo byakwa Yesu byanembwa mu Mateo 5:24, mwafwainwa kuba byepi umvwe mwayuka’mba mwamulenga mambo mupopweshi mukwenu? [g96 2/8 mape. 26-7]