Byakubijika

◼ Mabuku akutambika mu April ne May: Kyamba kya Usopa ne Loleni! Kimye kyo mubena kubwela ku baji na lusekelo lwa kukeba kufunda baishile ku Kivuluko, batanwatu kampe ne ku bintu bikwabo bya teokalasi, bino babula kwipizha na kipwilo, mwakonsha kwibatambika buku wa Pepeni Lesa Wine Wine Eka. Twafwainwa kwibikako kutatula mafunjisho a Baibolo, kikatakata umvwe bamo bafunda kala buku wa Kuyuka ne buloshuwa wa Nanchi Lesa Ukebaka. June: Tambikai buku wa Kuyuka nangwa buloshuwa wa Nanchi Lesa Ukebaka. Umvwe bena mazubo baji nao ano mabuku, mwakonsha kwingijisha buloshuwa mukwabo ye mwakonsha kwibakwashishamo uji mu bipwilo. July ne August: Mwakonsha kutambika buloshuwa uji yense wa mapeja 32 nabiji: Does God Really Care About Us?, Ilemenai Bumi Pano Pantanda Myaka Yonse!, “Moneni! Ifintu Fyonse Nafilenge Fipya,” Bushe Ulingile Ukusumina Muli Bulesa Butatu?, Mipashi ya Bafu Ya Konsha Kukukwashanyi Nangwa ku Kukozha? Nanchi Kine Koiji Nyi?, Ishina lya Bulesa Ilikatwalilila Kuli Pe na Pe, Kamfulumende Ukaleta Paradisa, Mwakonsha Kwikala Balunda na Lesa!, Cinshi Cicitika Nga Twafwa?, What Is the Purpose of Life?—How Can You Find It?, ne Ilyo Untu Watemwa Afwa.

◼ Kutendeka mu April, ma baaji a kupwila kwa nkambi kwa uno mwaka wa 2003, akatumwa pamo na mabuku. Kechi kibena kukebewa kwiaoda ne. Kwesakana na kubaya kwa kipwilo kyenu, ma baaji a kupwila kwa nkambi akatumwa mu tumilumba milumba, kamulumba kamo ma baaji 25. Umvwe kipwilo kyakeba ma baaji akwabo, afwainwa kuodwa pa pepala wa Literature Request Form (S-14). Bonse babena kukeba tumafukuta twa pulasitiki twa kubikamo ma baaji, bakonsha kwibaodela.

◼ Ofweshi ya musampi ikimona amba kyafwainwa kuyuka bulongo ma keyala ne manambala afoni akatataka a bonse bakulumpe batangijila mu kipwilo ne banembeshi. Inge pajipo bintu byapimpulwa, Kometi ya Mwingilo mu Kipwilo yafwainwa kunemba pepala ya Ukwalula Akeyala ka kwa Kangalila wa Kutangilila nelyo Kalemba (S-29), yasainako, ne kutuma bukiji bukiji ku ofweshi ya musampi. Kino kyavwangwamo ne kodi namba umvwe yapimpulwa kuyoyo mpunzha yenu.

◼ Banembeshi mu bipwilo bafwainwa kumona kuba’mba kimye kyonse baji na mapepala a Pepala Yakwipuzhizhapo Mwingilo Wabupainiya Bwakimye Kyonse (S-205) ne Pepala Yakwipuzhizhapo Mwingilo Wabupainiya Bwakukwasha (S-205b). Ano afwainwa kwiaodela pa pepala ya Literature Request Form (S-14). Mwafwainwa kwikala na mapepala akwingijisha mwaka yense. Monai bulongo mapepala onse a bapainiya ba kimye kyonse ne kumona kuba’mba banemba byonse. Umvwe babena kwipuzha mwingilo bakankalwa kuvuluka juba jobabatizwe, bafwainwa kunembatu juba jobalanguluka’mba ijo ne kwijisunga.

◼ Umvwe mubena kuya mu kyalo kingi kabiji mubena kulanguluka kukatanwa ku kupwila kwa kipwilo, kupwila kwa kijiiji, nangwa kupwila kwa nkambi mu kyokyo kyalo, mwafwainwa kwipuzha ofweshi ya musampi itala pa mwingilo wa kuyoyo mpunzha umvwe mukeba kuyuka moba, bimye, ne mapunzha pa kupwila. Makeyala ama ofweshi a misampi, anembwa pa peja ya kumpelo ya Yearbook yetuji naye.

◼ Mukulumpe utangijila mu kipwilo wafwainwa kwingijila pamo na munembeshi pa bino bintu: Nanchi mujipo musapwishi wafuma katataka mu kipwilo kyenu wavilukila kungi nyi? Mwabula bakulumpe ba mu kipwilo kyo bavilukilako pa kuba’mba bano basapwishi bebatambwile ne kwibakwasha ku balongo kokwa nyi? Abya mu kipwilo kyenu mujipo basapwishi baiya katataka nyi? Nga munembeshi wanembela kala munembeshi wa ku kipwilo kobafuma nyi? Mwatuma kala bikachi byamingilo ya basapwishi mu kipwilo nyi?

◼ Kyamba kya Usopa kya Kibemba kyanembwa mu bisopelo bikatampe kisakutatula kulupulwanga kutendeka na kya April 1, 2003.

◼ Bya Kwambilamo: Ku ofweshi ya musampi kuji biñambañamba bya kwambilamo. Bipwilo byabula biñambañamba bya kwambilamo byakonsha kushikisha mutengo ne byambo bikwabo byalamata ku bino bipe. Pa kunemba bafwainwa kunemba keyala bino amba: Watch Tower Society, Treasury Department, Box 33459, Lusaka 10101.

◼ Matepu Akatataka Ajipo:

Cindikeni Ubutungulushi bwa kwa Yehova (Kifwanyikizho kya mu 2001, tepu imo)—Kibemba