Byakubijika

◼ Mabuku a kutambika mu September: Mwakonsha kutambika mabuku aji onse a kala o muji nao pa kipwilo. October: Magazini a Kyamba kya Usopa ne Loleni! Ku bantu bamwesha lusekelo, batambikai buloshuwa wa Nanchi Lesa Ukebaka?, ne kwibikako kutatula mafunjisho a Baibolo. November: Tambikai buloshuwa wa Nanchi Lesa Ukebaka Kwiatweba? ne buku wa Kuyuka Kutangijila ku Bumi Bwa Myaka. Umvwe bantu baji nao kala ano mabuku, batambikai buku wa Popwelai Lesa Yenka Wakine nangwa buku mukwabo wanembelwe kala. December: Mwakonsha kutambika Umuntu Wakulisha Uwabalile Abako Uwa Mweo. Umvwe mufwaye uno buku, mwakonsha kwingijisha Icitabo Candi ica Malyashi ya mu Baibolo, Baibolo—Cebo ca kwa Lesa Nelyo ca Muntu?, nangwa Kuti Waikala Kuli Pe na pe muli Paradise Pe Sonde.

◼ Kipamo kya National Registration Regulations kyakambizha bena Zambia bonse bafikizha myaka ya kusemwa 16, nangwa kukilapo, kuya na kukopwa leji ku Ofweshi wa National Registration iji kwipi na kobekela. Uno mukambizho wingila ne ku bantu bapimpula mazhina abo. Aba bonse bafikizha myaka ya kukopelwamo maleji bafwainwa kukopwa bukiji bukiji mambo uno ke mukambizho ku bena Kilishitu wakunekenena bakulumpe balama kyalo. Bakulumpe mu kipwilo ne bansemi bafwainwa kuyuka kino ne kuvululako balongo ne banyenga bakyanyike bafikizha myaka 16.

◼ Ofweshi ya musampi kechi itumina musapwishi bunke bwanji oda wa mabuku ye akeba ne. Pa ñondo pa ñondo, pepala ya kuodelapo mabuku saka ikyangye kutumwa ku Sosaiti, mukulumpe utangijila mu kipwilo wafwainwa kubijika ku kipwilo kuba’mba bonse bakeba mabuku akyabo kyabo banembeshe ku mulongo utala pa mabuku. Mwane mwafwainwa kuyuka mabuku a oda wiikajila.

◼ Bakulumpe mu kipwilo bavululwako kulondela mikambizho iji mu Kyamba kya Usopa, kya Kibemba April 15, 1991, mapeja 21-3 pa mambo a bantu bapangiwa nangwa bepatula ku kipwilo abo bene babena kumweka kuba’mba bakonsha kubwezhiwa.

◼ Jashi jiikajila ja mvula bantu ja mu kimye kya Kivuluko kya mu 2004, jikambiwa pa Mulungu, April 18. Mutwe wa jashi ukabijikwa kimye kikwabo. Bipwilo byonse byo bakafwakashishanga ku mukulumpe wa kijiiji, nangwa bikekala na kupwila kwa kijiiji nangwa kwa juba jimo mu uno mulungu, bikekala na jino jashi mulungu ukalondelapo. Kafwako kipwilo kyafwainwa kwamba jino jashi jiikajila juba ja April 18, 2004 saka jikyangye kufika ne.

◼ Waini wa pa Kivuluko: Bipwilo byaikela mu mapunzha a ku muzhi byafwainwa kuoda waini kyonka kino kimye. Nembai pa S-20 ne kwiitumina pamo na mali kwapwa. Nembai pa kishilwa bulongo amba “MALI A WAINI.” KECHI mukatume nkalata nangwa S-14 ne, mukatumetu S-20 kyapwa. Umvwe mwabula kutuma mali, kechi mukatambwila waini ne. Mutumwa umo wa 200 ml uji pa mutengo wa K5,000.00. Juba ja kupezhako kutuma maoda a waini ke December 31, 2003. Waini ukatumwa mu February 2004.

◼ Mwakonsha kutatula kuoda bipabi panembwa kinembelo kya mwaka wa 2004. Bino bipabi biji mu mitundu ibiji. Kipabi kyakosa mutengo kiji pa K11,000.00 kabiji ke kyokya kya mutundu wa bupulasitiki kilamata pa lubumbulu. Kipabi kyapelako mutengo kiji mu mutundu wa kipepala kyakosakana kibula kulamata pa lubumbulu, kiji pa mutengo wa K3,000.00. Bino bipabi pa kwibioda, mwafwainwa kutumina pamo na mali kwingijisha pepala ya S-20, ne kunemba bulongo amba “Ilembo lya mwaka” pa kishilwa Kiikajila kabiji tongolai mulaka ye mukeba. KECHI MWAFWAINWA KUODELA PA PEPALA YA S-14 NE. Mitundu yonse ibiji panembwa kinembelo kya mwaka ikekalako mu Kibemba, Kichewa, ne Kizungu. Kipabi kyakosa mutengo kikekalatu mu Kitonga (K11,000.00), kabiji mu Kiloshi amo mukekalatu kyapela mutengo (K3,000.00). Kechi kukekala kinembelo kya mwaka wa 2004 mu Kilubale ne. Kipabi kya kinembelo kyakatataka kya mwaka kyafwainwa kupabikwa kutatula pa January 1, 2004. Kipwilo kyafwainwa kuodatu kipabi kimo panembwa kinembelo kya mwaka mu mulaka yebengijisha mu kyo kyo kipwilo. Umvwe bipwilo biji na milaka yapusana pusana bingijisha Nzubo ya Bufumu imo, byafwainwa kuodatu kipabi kimo kimo kwesakana na yo yo milaka.

◼ Mabuku akatataka ajipo:

Popwelai Lesa Yenka Wakine—Kichewa, ne Kitumbuka

Popwelai Lesa Yenka Wakine—Bisopelo bikatampe—Kizungu

Palameni Kuli Yehova—Bisopelo bikatampe—Kichewa ne Kizungu

Kuyuka - Bisopelo bikatampe—Kizungu ne Kiportuguese

◼ CD-ROM yakatataka ijipo:

Watchtower Library—2001—Kizungu