Kupitulukamo Mu Sukulu Ya Mwingilo Wa Teokalasi
Ae mepuzho akekala akwisamba mu Sukulu ya Mwingilo wa Teokalasi mumulungu wakutendeka October 27, 2003. Utangijila sukulu ukepuzhatu ano mepuzho akupitulukamo kwamaminiti 30 mubyambo byafunjiwe mumajashi amilungu ya September 1 kufika ku October 27, 2003. [Yukaiˈmba: Pamepuzho pabula mabuku mwakutana mikumbu, mwafwainwa kwipesela-pesela anwe bene kutana mikumbu.—Monai buku wa Isukulu lya Butumikishi mape. 36-7]
ÑAMBILO
1. Lujimuno luji mu 1 Timoti 2:9 lwaamba kuba’mba muntu wafwainwa ‘kuvwala byamufwainwa,’ lwalumbulula ka, kabiji kino kyakonsha kwitukwasha byepi umvwe tuji pa pulatifomu nangwa mu mwingilo wa mu bujimi? [be-CW pe. 132 mapala. 4-5]
2. Mafunde a mu Baibolo aji mu 1 Yoano 2:15-17, Efisesa 2:2 ne Loma 15:3 akonsha kwitukwasha byepi mu mwekelo yetu? [be-CW pe. 133 mapala. 2-4]
3. Mambo ka kutulumana kyo kwanemena, kabiji twakonsha byepi kutulumanako umvwe tubena kwamba jashi pa pulatifomu nangwa tuji mu mwingilo wa busapwishi? [be-CW pe. 135 umukululo; pe. 136 pala. 5, umukululo]
4. Yesu byo aji “kamonyi wa kishinka ne wa kine,” witushijile byepi kyakumwenako mu kwingijisha Baibolo mu mwingilo? (Lum. 3:14) [be- CW pe. 143 mapala. 2-3]
5. Twakonsha kuba byepi pa kuba’mba twikale basendwe mu kwingijisha Baibolo? (Titu. 1:9) [be-CW pe. 144 pala. 1, umukululo]
JASHI NA. 1
6. Bika bikebewa kuba pa kufunda lufunjisho, kabiji mfweto ka imo ifuma mu kufunda Byambo bya Lesa kimye kyonse? [be-CW pe. 27 pala. 3; pe. 32 pala. 4]
7. Mupashi ubwela byepi kwi Lesa umvwe muntu wafwa? (Sapwi. 12:7) [w01-KD 8/1 pe. 31 pala. 1]
8. Moba anema o aka, kabiji ano moba anemena ka? [si–CW pe. 282 pala. 27]
9. Mambo ka o twafwainwa kubula kumuchiina Diabola? [w01-KD 9/1 pe. 5 pala. 5]
10. Bantu bakamunemeka byepi Yehoba pakatampe mu ntanda ipya pa mambo a byo amona kimye? [si-CW pe. 283 pala. 32]
KUTANGA BAIBOLO KWA MULUNGU NE MULUNGU
11. Kine nangwa Bubela: Mu 1 Kolinda 2: 9, mutumwa Paulo ubena kutongola bintu Yehoba byoanengezhezha bantu banji bakishinka kwikala ke kya bunonshi. Lumbululai. [ip-2-CW pe. 366 umukululo]
12. Byambo byanembwa mu 1 Kolinda 10:13 bilumbulula ñanyi meseko, kabiji Yehoba ‘umwena byepi jishinda ja kupulukilamo’? [w02-KD 3/1 pe.13 pala. 2; mape. 14-15 mapala. 7-11]
13. Kyakumwenako kya kwa Yesu kya bumpanyi kikwasha byepi bena Kilishitu? (2 Ko. 8:9) [w92-CW 1/15 pe. 16 pala. 10]
14. Mizhilo yaalukile byepi “ke kalama wetu wa kwituleta kuji Kilishitu”? (Nga. 3:24) [w02-KD 6/1 pe. 23 pala. 11]
15. “Bya bwanyike bya panopantanda” byo twafwainwa kujimuka nabyo kuchina’mba byaketutwala mungi byo bika? (Kolo. 2:8)