Byakubijika
◼ Mabuku a kushajika mu March: Kuyuka Kutangijila ku Bumi Bwa Myaka. Pa kutatula mafunjisho a Baibolo, kikakebewanga kwibikako. Umvwe bantu baji naye kala uno buku, mwakonsha kwibashajika buku wa Angweniko ku Kusesema kwa kwa Daniele! April ne May: Shajikai Kyamba kya Usopa ne Loleni! Umvwe ke mubwele ku bantu bamwesheshe lusekelo lwa kukeba kufunda bukine, kuvwangako ne boba batanwa ku Kivuluko nangwa batanwa ku lunengezho lukwabo lwa teokalasi bino babula ba mu jino jibumba, teshai muchima kushajika buku wa Popwelai Lesa. Mwafwainwa kwibikako kutatula lufunjisho lwa Baibolo, kikatakata umvwe bantu bafunda kala buku wa Kuyuka ne buloshuwa wa Nanchi Lesa Ukebaka. June: Sambilila Kuli Kasambilisha Mukalamba. Umvwe bantu baamba’mba kechi baji na baana ne, bashajikai buloshuwa wa Nanchi Lesa Ukebaka. Pa kushajika buloshuwa, labijilai kutatula mafunjisho a Baibolo a pa nzubo.
◼ Ofweshi wa musampi kechi utumina musapwishi bunke bwanji oda wa mabuku o akeba ne. Mukulumpe utangijila mu kipwilo wafwainwa kunengezhanga mutanchi wa kubijika ku kipwilo pa ñondo pa ñondo, pepala ya kuodelapo mabuku saka ikyangye kutumwa ku musampi, kuba’mba bonse bakeba mabuku a kyabo kyabo banembeshe ku mulongo utala pa mabuku. Mwane labijilai mabuku a oda wiikajila.
◼ Munembeshi wafwainwa kumona amba wabuula Ofweshi wa Musampi pa mambo a bwikalo bwa basapwishi babatizwa batuma mafomu a Application for Kingdom Hall Construction Volunteer Program (A-25). Umvwe bwikalo bwa muntu wipana bwaaluka, nabiji kuviluka nangwa watongolwa kwikala nkwasho nangwa mukulumpe mu kipwilo, mafomu angi afwainwa kunembwa ne kutumwa bukiji bukiji. Umvwe muntu wipana waleka kumwesha byubilo byawama mu kipwilo, bakulumpe mu kipwilo bafwainwa kunembela Ofweshi wa Musampi nkalata bukiji bukiji.
◼ Inge jibumba ja bantu 20 nangwa kukilapo jibena kukeba kufwakashisha ofweshi wa musampi ku Makeni, kyanema patanshi kutuma nkalata nangwa lamya ku Ofweshi wa Betele. Kufwakasha kwikalakotu kutatula pa Kimo kufika pa Kitanu na kimye kya 8:00 hrs kufika 15:00 hrs kwapwa. Inge 15:00 hrs yapita, kechi kwikala kufwakasha ne, kikale pa Kibelushi nangwa pa Mulungu napo kechi pekala kufwakasha ne. Mwane tumai kibelengelo kya bantu bakeya, juba ne kimye kya kufwakasha. Saka mukyangye kunyamuka, pitulukai mu Kabokoshi ka Mepuzho kaji mu Mwingilo Wetu wa Bufumu wa June 2002 kaamba pa mvwajilo ne mwekelo yawama kimye kyo mubena kufwakesha mazubo a Betele.
◼ Kipamo kya National Registration Regulations kyakambizha mwina Zambia yense uji na myaka ya kusemwa 16 nangwa kukilapo kuya na kukopwa leji ku Ofweshi ya National Registration iji kwipi na kobekela. Uno mukambizho wingila ne ku boba bapimpula mazhina abo. Aba bonse babena kukebewa kuba bino, bafwainwa kutako bingi muchima kuba kino bukiji bukiji kumona amba ke mukambizho ku bena Kilishitu wa kunekenena bakulumpe balama kyalo. Bakulumpe mu kipwilo ne bansemi bafwainwa kulabijila uno mukambizho ne kuvululako balongo ne banyenga bakyanyike babena kunangijila ku myaka ya kusemwa 16.