Lunengezho lwa Kwitukwasha Kuzhila Mashi

Basapwishi babatizwa banembele kikachi kya Dokotala/Wakwibafumya mu Mambo nangwa ka Identity Card pabula mwaka ye kyanembejilwemo nangwa paji mwaka wa 3/99 kechi bafwainwa kunemba kikachi kikwabo uno mwaka ne. Mu mulungu wa Kupwila kwa Mwingilo wa December 27, munembeshi wafwainwa kwikala na bikachi byavula bya kupa basapwishi babatizwa katataka, baana babo, ne boba bakeba kwikala na bikachi bingi. Bipwilo kechi bakebitumina bino bikachi ne. Umvwe kipwilo kechi kiji na bikachi byavula ne, munembeshi wafwainwa kwipuzha ku bipwilo bya pepi nangwa kuoda bikachi bikwabo pa oda ukalondelapo wa mabuku a kipwilo.

Bikachi byafwainwa kunembelwapo jimo bulongo ku nzubo, bino KECHI pafwainwa kusainwa ne. Kusaina, ne kunembapo juba kukobiwa kimye kya kupwila kukalondelapo kwa Lufunjisho lwa Buku lwa Kipwilo, saka paji ne bakamonyi bakwimenako yewo ubena kusaina. Mukulumpe wa lufunjisho lwa buku ukekalapo na kukwashañana ponse pakakebewanga. Aba bakekala bakamonyi ne kusaina ku bino bikachi bafwainwa kushinkwapo ne kwimwena na meso kimye kikasainanga bene bena byobyo bikachi.

Basapwishi babula kubatizwa, bakonsha kwinembela bene tubikachi twabo ne twa baana babo kupichila mu kwingijisha byambo byanembwa pa kikachi kya Dokotala/Wakwibafumya mu Mambo ne tubikachi twa baana twa Identity Card.