Kukwasha Bonse Kuyuka Kutanga ne Kunemba

Yesu wakambizhe bena Kilishitu bonse ‘kusambisha ba mu mikoka yonse ya bantu ne kwibalula ke baana ba bwanga; ne kwibafunjisha kulama byonse byo akambizhe.’ (Mat. 28:19, 20) Pa kuba’mba tufunjishe bakwetu, twafwainwa kuyuka kutanga ne kunemba. Nanchi kipwilo kyenu kiji na pologalamu wa kukwasha boba bakeba kuyuka kutanga ne kunemba nyi?

Sukulu wa kuyuka kutanga ne kunemba ke lunengezho lwawama bingi lwanengezhiwa na Bakamonyi ba kwa Yehoba kukwasha ba mu kipwilo babula kutanga. Nanchi mwi mwana wa sukulu waleka kutanwa ku sukulu wa kuyuka kutanga ne kunemba nyi? Na mambo a kuba busendwe bwa kutanga ne kunemba bwanema bingi mu kipwilo kya bena Kilishitu, twimutundaika namba tatulai jibiji kutanwako ne kumwenamo mu uno pologalamu ubiwa pa Mazubo a Bufumu avula.

Bipwilo bibikako bingi na kunengezha sukulu wa kuyuka kutanga ne kunemba ubiwa mu buloshiwa wa Sambilileni Ukulemba no Kubelenga. Uno buloshuwa uji mu ino milaka: Kibemba, Kichewa, Kiloshi, Kilubale, Kitonga ne Kizungu. Ee kine, kwashai bonse bayuke kutanga ne kunemba kuba’mba nabo bakonshe kwingilangako pabaya mu mwingilo uleta lusekelo wa kufunjisha ne kulenga baana ba bwanga.—Byubilo 20:35; Mwingilo Wetu wa Bufumu wa August 2003, peja 7.