Bya Kubijika

◼ Mabuku a kushajika mu March: Shajikai buloshuwa wa Labainga Mukenkentenga. Umvwe bantu bamwesha lusekelo lwa kine, bashilai buku wa Kuyuka ne kwingila na ngovu kutatula lufunjisho lwa Baibolo lwa pa nzubo. April ne May: Kyamba kya Usopa ne Loleni! Pa kubwelako, tai muchima pa kushajika buku wa Popwelai Lesa. Mulanguluko mwine wafwainwa kwikala wa kutatula lufunjisho lwa Baibolo, kikatakata na bantu bafunda kala buku wa Kuyuka ne buloshuwa wa Nanchi Lesa Ukebaka. June: Sambilila Kuli Kasambilisha Mukalamba. Umvwe bantu baamba’mba baana bafwabo, bashajikai buku wa Insansa sha Lupwa nangwa buku wa Kuyuka. Ibikaiko kuba’mba mutendeke kufunjisha mafunjisho a Baibolo.

◼ Bipwilo byafwainwa kupana magazini a bukumo a Kyamba kya Usopa ne Loleni! ku basapwishi aku afikatu. Kino kikalengela basapwishi kwiatanga saka bakyangye kwiashajika mu mwingilo wa mu bujimi. Kabiji ne Mwingilo Wetu wa Bufumu naye wafwainwa kupanwa ku basapwishi aku ufikatu. Wakonsha kupanwa pa Lufunjisho lwa Buku lwa Kipwilo.

◼ Umvwe mwanengezha kuya na kutanwa ku kupwila kwa kipwilo, kupwila kwiikajila, kupwila kwa kijiiji, ne kwa nkambi mu kyalo kikwabo, pepala wenu ye mwaipuzhizhapo moba a kupwila, kimye, ne mpunzha wafwainwa kutumwa ku ofweshi wa musampi utala pa mwingilo mu kyokyo kyalo. Makeyala a maofweshi a misampi aji pa peja yapelako ya Yearbook wa bukumo.

◼ Banembeshi bonse baji na mapepala a certificates of Registration nangwa Certificates of Exemption from Registration bafwainwa kwiatuma ku ofweshi wa musampi. Kukekala makope a kwitabizha apa bino akabwezhiwe a kubika mu mafwailo abo.

◼ Banembeshi mu bipwilo bafwainwa kumona’mba mapepala avula a kwipuzhizhapo mwingilo wa bupainiya bwa kimye kyonse (S-205) ne a kwipuzhizhapo mwingilo wa bupainiya bwa kukwasha (S-205b) po aji pa kipwilo. Afwainwa kuodewa kupichila mu kwingijisha pepala wa Literature Request Form (S-14). Sungai mapepala avula a kukonsha kupwisha mwaka yense.

◼ Kivuluko kikekalako pa Kina, March 24, 2005. Umvwe kipwilo kyenu kipwila pa Kina, kuno kupwila mwafwainwa kwi kutwala pa juba jikwabo mu yewo mulungu umvwe Nzubo ya Bufumu kechi ikengijishiwanga ne. Umvwe kino kechi kyakonsheka kubiwa ne, kabiji Kupwila kwenu kwa Mwingilo kuba kwaubiwa ne, majashi a mukuno kupwila akonsha kwingila bulongo mu kipwilo kyenu mwakonsha kwiamba kimye kya Kupwila kukwabo kwa Mwingilo.

◼ Mu Bakamonyi ba kwa Yehoba ano moba mwakumbana nyimbo ya Bufumu imbiwa mu nyimbilo ya yukanyikwa ya ino ntanda. Ino nyimbo kechi yaitabizhiwa na jibumba jetu ne. Mwane kechi mwafwainwa kusampanya ino nyimbo nangwa kwiifumya pa Intaneti ne.