Bya Kubijika

◼Mabuku a kushajika mu November: Bashilai buku wa Sambilila Kuli Kasambilisha Mukalamba. Inge bena nzubo baamba’mba baana bafwabo, bashajikai buku wa Kuyuka nangwa talakiti wa Nanchi Mukeba Kuyuka Byavula pa Mambo a Baibolo Nyi? December: Shai buku wa Umuntu Wakulisha Uwabalile Abako Uwa Mweo. Umvwe uno buku mufwaye, shai mabuku akwabo nabiji Baibolo—Cebo ca kwa Lesa Nelyo ca Muntu? Icitabo Candi ca Malyashi ya mu Baibolo, nangwa Kuti Waikala Kuli Pe na pe muli Paradise Pe Sonde inge muji nao pa kipwilo. January: Shai buku uji yense wa kala wa mapeja 192 nangwa uji yense wanembelwe mwaka wa 1991 saka akyangye kufika. Bipwilo biji na buku wa Ukusapika Lesa Ukwa Mutundu wa Muntu byakonsha kumusha. Umvwe bena nzubo bamukana uno buku, bashajikai buloshuwa wa Labainga Mukenkentenga! February: Tukashanga buku wa Palameni Kuli Yehova. Bipwilo byabula uno buku byafwainwa kusha buku wa Ukusokolola–Akalume ka Kuko Kakalamba Nakapalama! nangwa buku mukwabo ujipo pa kipwilo.

◼ Kutendeka na mulungu wa April 17, 2006, tukafundanga buku wa Nanchi Baibolo Kine Ufunjisha’mba Ka? pa Lufunjisho lwa Buku lwa Kipwilo. Bipwilo byafwainwa kumona’mba biji na mabuku avula a kwingijisha kuvwangakotu ne oa anembwa mu bisopelo bikatampe pa kyokya kimye.

◼ Mukulumpe utangijila mu kipwilo nangwa mukwabo umo yeatongola wafwainwa kubala maakaunti a kipwilo pa December 1 nangwa bukiji bukiji panyuma ya jino juba. Umvwe muji na mali eikajila, nabiji a kuwamishisha pafwafwafwa nangwa a buntungi, nao mwafwainwa kwiabala. Umvwe mwapwisha kubala, bijikai ku kipwilo pa kubijika sawakya mukwabo ukalondelapo wa mali.

◼ Bupe bupanwa pa kupwila kwa kijiiji, moba a kupwila kwiikajila, pa kupwila kwa nkambi ne bobwa bubikwa mu tubokoshi twa mu Nzubo ya Bufumu twa mwingilo wa ntanda yonse ne mali a Nzubo ya Bufumu, kyakonsha kuwama inge apanwa mu mali o mwingijisha mu kyalo kyenu. Saka mukyangye kupana bupe mu bucheki, mwafwainwa patanshi kushikisha munembeshi mu kipwilo, nangwa mukulumpe ubena kutangijila kupwila kwa juba jimo, kwa kijiiji nangwa kwa nkambi umvwe kyakonsheka kupana bupe kupichila mu kupana cheki kabiji ne byo mwakonsha kumupana. Bupe bwapanwa mu bucheki bwafwainwa kutumwa ku “Watch Tower.” Keyala ya musampi ke Watch Tower Society Box 33459, Lusaka 10101.

◼ Mu January tukesamba pa Vidyo wa Transfusion-Alternative Health Care—Meeting Patient Needs and Rights mu Kupwila kwa Mwingilo. Bipwilo byabula uno vidyo byakonsha kuoda.