Bya Kwamba pa Kusha Magazini

Kyamba kya Usopa Apr. 1

“Mu mpito yonse, muntu waesekapo kala kusekesha mulenga wanji kupichila mu kwingilako mingilo ya lwitabilo. Abya mwakilangulukapo kala ene mambo Lesa o aswishisha bantu bawama ba uno mutundu kuyanda nyi? [Lekai akumbule] Ino magazini itubula muntu mbulwakoloka watwajijile kwikala wa bukishinka nangwa kya kuba’mba wapichilenga mu makatazho.” Tangai Yoba 27:5.

Awake Mar.

“Bantu bavula baitabila kuba’mba Yesu Lesa. Pano bino, mwana wa bwanga wa kwa Yesu aye Petelo wamulumbulwile kuba’mba Mwana Lesa. [Tangai Mateo 16:16.] Abya mulanguluka kuba’mba kyakonsheka Yesu kwikala Lesa kabiji pa kimye kimo waikala Mwana Lesa nyi? [Lekai akumbule.] Kino kibaba kiji pa mapeja 12-13 kyaamba pa buno bwipuzho, ne kupana bishinka bya mu Baibolo.”

Kyamba kya Usopa Apr. 1

“Aino ñambilo yayukanyikwa bulongo, ilumbulula buneme bwa kumuyuka Lesa. [Tangai Mateo 4:4.] Nangwa byonkabyo, bantu bavula kibashupa bingi kumvwisha Mambo a Lesa. Abya ne anweba byo byo mwikitana kino nyi? [Lekai akumbule.] Ino magazini yapana mashinda engila akonsha kwimukwasha kumvwisha Baibolo.”

Awake Apri.

“Bantu bavula bebikako bingi kuba’mba batane lusekelo, bino bantutu bacheche bo bakonsha kwilutana. Abya mulanguluka kuba’mba bimo pa bibye byanembwa papo byakonsha kukwasha bantu kwikala balusekelo mu bwikalo bwabo nyi? [Mweshai kabokoshi kaji pa peja 9. Apa bino mutangepo kinembelo kimo pa binembelo byamweshiwa.] Ino Awake! yalumbulula mikambizho ya mu Baibolo ileta lusekelo lwa kine.”