Kupitulukamo Mu Sukulu Ya Mwingilo Wa Teokalasi
Ae mepuzho akekala a kwisamba mu Sukulu ya Mwingilo wa Teokalasi mu mulungu wa kutendeka April 24, 2006. Utangijila sukulu ukepuzhatu ano mepuzho a kupitulukamo kwa maminiti 30 mu byambo byafunjiwe mu majashi a milungu ya March 6 kufika ku April 24, 2006. [Yukaiˈmba: Pa mepuzho pabula mabuku mwakutana mikumbu, mwafwainwa kwipesela pesela anwe bene kutana mikumbu.—Monai buku wa Nonkelenimo mape. 36-7.]
ÑAMBILO
1. Kimye kyo tubena kufunjisha, mambo ka o twafwainwa kutulumanako umvwe tukeba kwamba kishinka kikwabo, pano bino ki ka kyakonsha kwitulengela kubula kuba kino? [be-CW pe. 98 mapala. 2-3]
2. Mambo ka o kyanemena kutulumanako kimye kyo tubena kusapwila bantu? [be-CW pe. 99 pala. 5–pe. 100 pala. 4]
3. Mambo ka o kyanemena kwambishapo pa byambo kimye kyo mubena kwamba jashi, kabiji twakonsha kwikala byepi bambishapo pa byambo? [be-CW pe. 101 mapala. 1-5, kabokoshi]
4. Kimye kya kutanga pa mvula bantu, twakonsha kuba byepi pa kuba’mba tutangishepo na jiwi jakosa pa byambo bine byanema biji mu byo tubena kutanga? [be-CW pe. 105 pala. 1-6]
5. Jiwi jafwainwa janemena ka kimye kya kufunjisha, kabiji twakonsha kusala byepi jiwi ja kwingijisha? [be-CW mape. 107-8]
JASHI NA. 1
6. ‘Kalume wa kishinka ne wa maana’ watongolwa mu Mateo 24:43-47 ye ñanyi? [od-KD pe. 16]
7. Mingilo ka ingila Jibumba Jitangijila ja ano moba? [od-KD pe. 17,18]
8. Ki ka kyakonsha kwitukwasha kuteleka pa kupwila kukatampe kwakubula kulabikwa? [be-CW mape. 15-16]
KUTANGA BAIBOLO KWA MULUNGU NE MULUNGU
9. Mambo ka bukwasho bwa kwa Elifwaza kyo bwalefwijile Yoba ne kukankalwa kumutekenesha? (Yoba 21:34; 22:2, 3) [Kutanga Baibolo kwa Mulungu ne Mulungu; monai w95-CW 2/15 pe. 27 mapala. 5-6.]
10. Yoba wamwesheshe byepi amba waketekejile mwi Lesa kuba’mba wakonsha kumusangula kufuma ku bilende, ako koamwenenga mwine kuba’mba yajinga mpunzha ya kukokolokelako ku makatazho? (Yoba 14:7, 13-15) [Kutanga Baibolo kwa Mulungu ne Mulungu; monai w00-CW 5/15 pe. 27 pala. 7 pe. 28 pala. 1.]
12. Kilengwa ka kya mupashi kyaluwikile Elifwaza? (Yoba 4:15, 16) [w05-CW 9/15 pe. 26 pala. 2]
13. Nanchi byambo byaambile Yoba byanembwa mu Yoba 7:9, 10 ne Yoba 10:21 bimwesha kuba’mba kechi waketekejile mu lusanguko nenyi?
14. Yoba wikitazhizhe muka pa kwamba byambo bya kuba’mba “napulukatu mu ibila”? (Yoba 19:20)
15. Yoba wikitazhizhe muka kimye kyo ambilenga’mba ‘nkakakachila ku kino namba: nabinga, [ku bulumbuluke bwami NW]’ kabiji twakonsha kufunjilako ka ku kino? (Yoba 27:5)