Bya Kubijika

◼ Mabuku a kusha mu June: Shai buku wa Sambilila Kuli Kasambilisha Mukalamba. Inge bena nzubo baamba’mba baana bafwabo, bashilai buku wa Insansa sha Lupwa. July ne August: Mwakonsha kusha buloshuwa uji yense walondelapo wa mapeja 32: Ilemenai Bumi Pano Pantanda Myaka Yonse!, Kamfulumende Ukaleta Paradisa, Bushe Lesa mu Cituntulu Alatusakamana?, Ilyo Untu Watemwa Afwa, Labainga Mukenkentenga!, Mipashi ya Bafu Ya Konsha Kukukwashanyi Nangwa ku Kukozha? Nanchi Kine Koiji Nyi?, Balunda na Lesa ne Mwijitana Jishinda Jaya Kubumi? September: Buku wa Baibolo Ufunjisha ye ukengijishiwanga. Twafwainwa kwibikako kumona kuba’mba twatendeka lufunjisho lwa Baibolo pa lwendo lutanshi. Twafwainwa kubwela ku bantu bonse bo twashila mabuku na nkebelo ya kutendeka lufunjisho lwa Baibolo.

◼ Kyanema bingi ofweshi wa musampi kwikala na makeyala ne manambala a malamya a bukumo a bonse bakulumpe batangijila mu kipwilo ne banembeshi. Kimye kyonse umvwe keyala nangwa nambala ya lamya yapimpulwa, Kometi ya Mwingilo mu Kipwilo yafwainwa kunemba, kusaina, ne kutuma bukiji bukiji pepala wa Ukwalula Akeyala ka kwa Kangalila wa Kutangilila nelyo Kalemba (S-29), ku ofweshi wa musampi. Kino kivwangako ne kupimpulwa kwa makodi a mpunzha.

◼ Bipwilo byafwainwa kupana magazini a bukumo a Kyamba kya Usopa ne Awake! ku basapwishi aku afikatu. Kino kikakwasha basapwishi kwiatanga saka bakyangye kwiasha mu bujimi. Kabiji ne Mwingilo Wetu wa Bufumu naye wafwainwa kupanwa ku basapwishi aku ufikatu. Wakonsha kupanwa kupichila mu lunengezho lwa Lufunjisho lwa Buku lwa Kipwilo.

◼ Byo kiji kuba’mba ñondo wa July uji na milungu itanu, ke ñondo wawama bingi kwingilako bupainiya bwa kukwasha.

◼ Mutanchi wa vidyo ya Young People Ask—How Can I Make Real Friends? Ukafunjiwa pa Kupwila kwa Mwingilo mu September. Umvwe mubena kukeba uno vidyo, mwakonsha kuonda bukiji bukiji kupichila mu kipwilo.

◼ Pa kuba’mba kitukwasheko kukokozha ne kwimba bulongo nyimbo pa Kupwila kwa Nkambi kwa uno mwaka kwa “Kupokololwa Kujitu Pepi!” ino yo nyimbo yasalwa yo tusakukemba: 8, 14, 19, 38, 40, 43, 59, 71, 74, 85, 91, 92, 106, 181, 195, 204, 207, ne 212. Bakulumpe mu kipwilo bafwainwa kunengezha lunengezho lwa kuba’mba kipwilo kipitulukilengamo jimo mu ino nyimbo.

◼ Kupwila kwa Lufunjisho lwa Buku mu mulungu wa kupwila kwa nkambi: Lubaji lutanshi lwa byambo bya kufunda mu yewo mulungu lwafwainwa kufunjiwa pamo na lubaji lwatanchikwa mu mulungu wa kunangijila ku kupwila kwa nkambi, kepo lubaji lukwabo lukafunjiwa pamo na lubaji lwatanchikwa kufunjiwa mu mulungu wa panyuma ya kupwila kwa nkambi. Umvwe kyakonsheka, mapalagalafu kechi afwainwa kutangiwa ne.

◼ Buku wa Bukumo ujipo:

Nanchi Baibolo Kine Ufunjisha’mba Ka?—Mu bisopelo bikatampe—Kichewa

◼ Makompakiti Disiki a bukumo ajipo:

Icitabo Candi ca Malyashi ya mu Baibolo—Kizungu

Umuntu Wakulisha Uwabalile Abako Uwa Mweo—Kizungu

◼ DVD wa bukumo ujipo:

Ibikaiko Kufikizha Bikonkwanyi Binemeka Lesa—Mulaka wa Kwamba na Maboko wa Kina America