Bya Kubijika

◼ Mabuku a kusha mu February: Shai buku wa Fwenyai Kwipi ne Yehoba. Umvwe uno buku pa kipwilo kafwapo, shai buku wa Ukusokolola nangwa buku mukwabo wa kala ujipo. March: Shai buku wa Baibolo Ufunjisha kabiji ne kwibikishako kutendeka mafunjisho a Baibolo. April ne May: Kukekala kushila bantu Kyamba kya Usopa ne Awake! Pa kubwelako ku bantu bamwesha lusekelo lwa kukeba kufunda, kubikapotu ne boba batanwa ku Kivuluko nangwa boba batanwako ku kupwila kukwabo bo tubula kupwila nabo jonse ne, bashilai buku wa Baibolo Ufunjisha, sa muji na nkebelo ya kutendeka lufunjisho lwa Baibolo.

◼ Banembeshi mu bipwilo bafwainwa kumona’mba baji na makalata a kutongwelapo bapainiya (S-202) ba kimye kyonse bonse umo umo mu kipwilo. Umvwe ano makalata bafwao, bafwainwa kubula ofweshi wa musampi amba ebatumine.

◼ Mukulumpe utangijila wafwainwa kwipuzha munembeshi pa bino bintu: Nanchi kujipo basapwishi bavilukila mu bipwilo bikwabo katataka nyi? Abya kwatumwapo makalata ku bakulumpe ba mu bipwilo ko bavilukila kuba’mba bano basapwishi bakebatambwile ne kwibakwasha ku balongo ko baya nyi? Nanchi kujipo basapwishi baiya mu kipwilo kyenu katataka nyi? Abya munembeshi watuma makalata ku banembeshi ba mu bipwilo kwafuma bobo basapwishi nyi? Nanchi bikachi bya basapwishi byaiya nyi?

◼ Munembeshi ne utangijila mwingilo bafwainwa kupitulukamo mu mingilo ya bapainiya ba kimye kyonse. Umvwe paji bamo babena kutana lukatazho lwa kufikizha maawala akebewa, bakulumpe bafwainwa kumonapo mashinda mwa kwibakwashisha. Pa mambo a mashinda a kwingijisha, pitulukai mu makalata atumwa pa mwaka pa mwaka a S-201.

◼ Jashi ja mvula bantu jiikajila ja mu kimye kya Kivuluko kya mu 2007 jikekala na mutwe wa kuba’mba “Mwakonsha Kwiumvwa Bazhikijilwa mu ino Ntanda ya Makatazho!” Monai kya kubijika kipashako kyabijikilwe mu Mwingilo Wetu wa Bufumu wa October 2006.

◼ Kutendeka na magazini a July 2007, Kyamba kya Usopa kya Kizungu ne Awake! kechi bikalekodewanga pa tepu byonka byo kikelwa kubiwa ne. Aba banembesha ano matepu kechi bakebatuminao pa kyokya kimye ne. Mwane mukakebe panshi ya peja 2 ya ano magazini mukamone mutundu wa maselechi mukalekodewanga ano magazini o mwakonsha kuoda kupichila mu kipwilo. Kabiji kino nakyo kibena kwimuvululako’mba kulutwe na lwendo ne matepu akwabotu kubikapo ne mavidyo kechi ekekalangako ne, kukekalangatu maselechi a CD-ROM ne DVD onkatu.

◼ Myotoka ya Sosaiti yatendekele kwingijishiwa na mambo a kukeba kukepeshako mitengo ya kutuma mabuku kabiji ne kumona’mba ano mabuku afika ku bipwilo. Pano bino nangwa kya kuba ino myotoka isenda ne makalata a kuya ku bipwilo bikwabo, kechi kilumbulula’mba ya kusendelamo makalata a bantu o batuma ku tumpanyi nangwa ku bipamo ne. Makalata a uno mutundu afwainwa kutumwa kwingijisha poshita.

◼ Watch Tower Society kechi ikingijisha keyala wa Box 21598, Kitwe ne. Keyala wetu luno ke Box 33459, Lusaka 10101.

◼ Mabuku a katataka ajipo:

Fwenyai Kwipi ne Yehoba—Kaonde