Kupitulukamo mu Sukulu ya Mwingilo wa Teokalasi
Ae mepuzho akekala a kwisamba mu Sukulu ya Mwingilo wa Teokalasi mu mulungu wa kutendeka April 30, 2007. Utangijila sukulu ukepuzhatu ano mepuzho a kupitulukamo kwa maminiti 30 mu byambo byafunjiwe mu majashi a milungu ya March 5 kufika ku April 30, 2007. [Yukaiˈmba: Pa mepuzho pabula mabuku mwakutana mikumbu, mwafwainwa kwipesela pesela anwe bene kutana mikumbu.—Monai buku wa Nonkelenimo mape. 36-7.]
ÑAMBILO
1. Twakonsha kunengezha byepi autulaini yetu kwikala yapela? [be-CW pe. 168 pala. 4]
2. Ambai mashinda ana mo twakonsha kunengezhezhamo byambo mu ndonda pa kuba’mba byumvwanyike bulongo? [be-CW pe. 170 pala. 3-pe. 172 pala. 4]
3. Bintu ka byo twafwainwa kulangulukapo kimye kyo tubena kukeba byambo bya kwambapo mu jashi? [be-CW pe. 173 mapala. 1-2]
4. Buwame ka buji mu kwamba byambo kwa kubula kumamata nangwa’mba kubula kukizhamo kutala pa autulaini? [be-CW pe. 175 mapala. 2-4]
5. Mambo ka kwambila jashi mu bumwisambo o kwanemena, kabiji twakonsha kuba byepi kino? [be-CW pe. 179 pala. 4, kabokoshi; pe. 180, kabokoshi]
JASHI NA. 1
6. Mulongo wafwainwa kunengezha byepi umvwe kya kuba wapewa jashi ja bishinka bikatampe kufuma mu kutanga Baibolo kwa mulungu ne mulungu? [be-CW pe 47 mapala. 3-4]
7. Kwesakana na Mizhilo ya Mosesa, bena Isalela bazha bafwainwe kulamwa byepi? [w05-KD 4/1 pe. 13 pala. 2]
8. Nga Binembelo byamweshiwa byafwainwa kwingijishiwa byepi mu jashi ja mvula bantu? [be-CW pe. 53 mapala. 1-2]
9. Nkebelo ya kwa Yesu kwikala mufunjishi yajinga ya byepi, kabiji twakonsha kumulonda byepi? [be-CW pe. 57 pala. 1]
10. Mambo ka kupusanya bintu o kwawamina pa kufunjisha? [be-CW pe. 57 mapala. 3-4]
KUTANGA BAIBOLO KWA MULUNGU NE MULUNGU
11. Twakonsha kwibikishako byepi kulondela lujimuno luji mu Yelemiya 6:16 lwa kwenda mu ‘mashinda a kala amba: jishinda jawama jepi, muyemo’?
12. Mambo ka Yehoba o asajijile ñendabwala kwikala kya kwibafunjishako Bayudea babujile bukishinka, kabiji twakonsha kufunjilako ka ku kino? (Yele. 8:7)
13. Yelemiya 15:17 witukwasha byepi mu mweno yetu pa mambo a bya kisangajimbwe lelo jino?
14. Bantu baikala byepi nobe buchimba mu kuboko kwa Mbumbi Mukatampe, aye Yehoba? (Yele. 18:5-11)
15. Ndonda mwatanchikilwa mikoka iji mu Yelemiya 25:17-26 yanema byepi mu ano moba etu?