Mwingilo Mukatampe Waingijiwe mu March

Sawakya wa mwingilo wa March kine witusangajika bingi! Tubena kusanchila bingi Yehoba pa bibusa byanji ne pa kukomesha ko abena kukomesha bintu. (1 Ko. 3:6, 7) Musakwikala bingi balusekelo kuyuka sawakya wa mwingilo wa mu Zambia uji panshi po:

◼ Basapwishi bonse: babafike 145,801. Ko kuba’mba kibelengelo kyayilako palutwe na basapwishi 5,598 kukila kya mu mwaka wapwa mu April 2006.

◼ Kibelengelo kya Bapainiya ba Kimye Kyonse kyafika pa 10,655 kukila kya mu April mwaka wapwa akyo kyajinga 10,538.

◼ Maawala Onse Pamo: 2,383,542. Kino kibelengelo kyakila oa atambwijilwe mu April 2006, ao afikile 2,379,781.

◼ Kibelengelo kya Magazini: 786,129. Kyakila kibelengelo kya March 2006, akyo kyajinga 118,536.

◼ Kibelengelo kya Mabuku: 45,770. Kyakila kibelengelo kya mu January mwaka wapwa, akyo kyajinga 29,097.

◼ Kibelengelo kya Kubwelako: 1,452,794. Kyakila kya mu April mwaka wapwa akyo kyajinga 1,406,274.

◼ Kibelengelo kya Mafunjisho a Baibolo: ke 236,899 ko kuba’mba kyayilako palutwe na 5,479 kukila kya mu April mwaka wapwa.

Kukilatu ne byo kyajinga kala, anweba balongo ne banyenga ba mu Zambia mubena kumwesha bukishinka bwenu ne kizaku byo mubena kutwajijila kwamba pa bumfumu bwa Yehoba. Mwane lekai kibelengelo kya boba bamutota kiyenga na kubayilakotu, mingilo yanji ya kukumya byo ibena kutwajijila na kuyukanyikwa.–Sala. 145:10-12.