Kupitulukamo mu Sukulu ya Mwingilo wa Teokalasi

Ae mepuzho akekala a kwisamba mu Sukulu ya Mwingilo wa Teokalasi mu mulungu wa kutendeka December 31, 2007. Utangijila sukulu ukepuzhatu ano mepuzho a kupitulukamo kwa maminiti 30 mu byambo byafunjiwe mu majashi a milungu ya November 5 kufika ku December 31, 2007.

ÑAMBILO

1. Bishinka ka byo twafwainwa kuvulukanga pa kuba’mba byambo byetu bya kupezhako bilengele bantu kubila bintu mwayila byaambiwapo? [be-CW pe. 220 pala. 4–pe. 221 pala. 3]

2. Twakonsha kumona byepi kuba’mba bintu byo tubena kwamba mu mwingilo wa mu bujimi byaluñama? [be-CW pe. 223 mapala. 2-4]

3. Twakonsha kumona byepi kuba’mba majashi etu pa kupwila kwa kipwilo abena kumwesha buneme bwa mwingilo wa kipwilo wa kwikala “jipanda ne jikinko ja bukine”? (1 Timo. 3:15) [be-CW pe. 224 mapala. 1-4]

4. Mambo ka o kyanemena kumona’mba byambo byo tubena kwingijisha byaketekelwa, kabiji twakonsha kuba byepi kino? [be-CW pe. 225 mapala. 1-2]

5. Pa kufunjisha, twakonsha kupeezhako byepi jashi jetu kuba’mba bantu bomvwe kyo tubena kwambapo? [be-CW pe. 226 pala. 3–pe. 227 pala. 1]

JASHI NA. 1

6. Ki ka kimwesha’mba jishimikila ja kwa Yona ja kine? [bsi-KD pe. 18 pala. 3]

7. Bungauzhi ka bwa kwa Mika bwaamba pa bukalama bwa Bufumu bwa Lesa bukalamwanga na Kilishitu Yesu? [bsi-KD pe. 20 pala. 18]

8. Ki ka kimwesha’mba buku wa Habakuka wanembeshiwa na mupashi wa Lesa? [bsi-KD pe. 23 pala. 4]

9. Mambo ka o kyakonsha kwambiwa’mba Bayudea kechi bafikizhe nkebelo ya ene mambo o babwelejile kufuma mu buzha mu mwaka wa 520 B.C.E. ne? (Hagai 1:4) [bsi-KD pe. 27 pala. 3]

10. Ñanyi juba ja lukumo Zekaliya jo atongwelenga javula? [bsi-KD pe. 30 pala. 26]

KUTANGA BAIBOLO KWA MULUNGU NE MULUNGU

11. Nga bungauzhi bwa kwa Yoela bwaambile pa kutulwa bulemo ku bilongolo bwafikizhiwe byepi mu myaka kitota kitanshi, kabiji bubena kufikizhiwa byepi ne lelo jino? (Yoe. 2:1-10, 28) [w07 10/1 “Mambo a Yehoba o Omi. Bishinka Bikatampe Kufuma mu Buku wa Yoela ne Amosi”]

12. Nga “kilukwa mwajinga bipangwa bipya mayoo” kyaimenejilengako ka? (Amo. 8:1, 2) [w07-KD 10/1 “Mambo a Yehoba o Omi. Bishinka Bikatampe kufuma mu buku wa Yoela ne Amosi”]

13. Mu jishinda ka Yehoba mo ‘alekejile kwiboba abya byatama byo aambile kufikila bena Ninevwa,’ kabiji kino kyakonsha kwitulengela kubapo byepi? (Yona 3:10) [w03-KD 8/1 mape. 17-18]

14. Nga kwenda mu jizhina ja Yehoba kulumbulula ka? (Mika 4:5) [w03-KD 9/1 pe. 14, pala. 19]

15. Kimye ka Yehoba kyo asolomokele ku “nzubo” yanji na kuchiba mambo mu kino kimye, kabiji waubile byepi kino? (Mala. 3:1-3) [re-CW pe. 32 ne kabokoshi; jd pe. 179 pala. 3–pe. 181 pala. 6]