Bya Kubijika

◼ Mabuku a kusha mu February: Is There a Creator Who Cares About You? nangwa wa Icaba Inkaama Ku Nsansa Sha Lupwa. March: Nanchi Baibolo kine Ufunjisha’mba Ka? Ibikaiko kutendeka mafunjisho a Baibolo. April ne May: Magazini a Kyamba kya Usopa ne Awake! Mwafwainwa kubwelako ku boba batainwe ku Kivuluko ne ku jashi jiikajila ja mvula bantu bino batanwako ja kamo kamo ku kupwila. Nkebelo ya kuno kubwelako ke ya kutendeka lufunjisho lwa Baibolo lwa pa nzubo na boba bakyangye kutendeka kufunda.

◼ Byo kiji kuba’mba March uji na mpelo ya milungu itanu, ke ñondo wawama bingi kwingijilamo bupainiya bwa kukwasha.

◼ Munembeshi ne utangijila mwingilo bafwainwa kupituluka mu mwingilo wa bapainiya ba kimye kyonse. Umvwe paji bamo babena kutana lukatazho lwa kufikizha maawala akebewa, bakulumpe bafwainwa kwibakwasha.

◼ Jashi jiikajila ja mvula bantu ja mu kimye kya Kivuluko kya mu 2008 jikekala na mutwe wa kuba’mba “Ñanyi Wayuka Bulongo Kulama Bantu?”

◼ Banembeshi mu bipwilo bafwainwa kumona’mba baji na mapepala a Nkalata ya Kutongwelapo Bapainiya (S-202) ya painiya yense. Umvwe bafwao, bafwainwa kunembela ofweshi wa musampi amba bebatumineo.

◼ Mabuku a Bampofu: Tubena kukeba kuvululako basapwishi bonse namba, mabuku a Bampofu auba bingi mutengo pa kwianemba, kikatakata aa akatampe. Pa kusaina pepala wa Literature Request Form (S-14), Munembeshi mu Kipwilo wafwainwa kumona’mba ano mabuku aodelwatu basapwishi bonka nangwa bantu bamwesha lusekelo lwa kine kupichila mu kuswa kufunda Lufunjisho lwa Baibolo nangwa kutanwa jonse ku kupwila.

◼ Ku Bakulumpe Batangijila: Kimye kimo, makalata o batumina mabumba a bakulumpe mu bipwilo kufuma ku ofweshi wa musampi ekala na mikambizho yaamba pa mwingilo wa kalume utala pa magazini nangwa pa mabuku. Bakulumpe Batangijila bafwainwa kumona’mba bano balongo bebabula ino mikambizho panyuma ya kutanga ano makalata.

◼ Byonka byo kyabijikilwe mu Mwingilo Wetu wa Bufumu wa December 2007, bipwilo byakonsha pano kutuma maoda abyo a selechi wa Watchtower Library—2007. Ino selechi iji ne na mabuku a bukumo alupwilwe mu 2007. Nangwa byonkabyo, lupusano lukatampe luji na ino pologalamu ke lwa kuba’mba kechi iji na Watchtower Reader ne; kino kiji bino mambo a kuba pologalamu ya Watchtower Library yafuma monka mu ya Watchtower Reader. Mukatana’mba ino pologalamu yapela bingi kwingijisha kabiji iji ne na misabilo ikwabo ya katataka yo mukatemwa bingi ikemulengela kumwenamo kya kine mu lufunjisho lwenu lwa pa bunke. Pa kubika ino pologalamu ya bukumo pa kompyuta wenu, mukakambizhiwa kunemba byambo bicheche byakulondela byo mukafundanga bya kwingijisha ino pologalamu ya bukumo ne misabilo ikwabo yanungwako. Pa kubika ino Watchtower Library—2007 pa kompyuta, muntu wafwainwa kwikala na kompyuta iji na pologalamu ya Microsoft Windows 2000, XP, nangwa Vista.

◼ Mabuku a bukumo ajipo:

“Binembelo Byonse”—Bya Kine Kabiji Byawama—2008 Buloshuwa (Lubaji 1 ne 2)—Kilunda

◼ Tepu ya bukumo ijipo:

Families—Make Daily Bible Reading Your Way of Life!—Kibemba