Bya Kubijika

◼ Mabuku a kusha mu March: Nanchi Baibolo kine Ufunjisha’mba Ka? Ibikaiko kutendeka mafunjisho a Baibolo. April ne May: Magazini a Kyamba kya Usopa ne Awake! Mwafwainwa kubwelako ku boba batainwe ku Kivuluko ne ku jashi jiikajila ja mvula bantu bino batanwakotu ja kamo kamo ku kupwila. Nkebelo ya kuno kubwelako ke ya kutendeka lufunjisho lwa Baibolo lwa pa nzubo na boba bakyangye kutendeka kufunda. June: Ukusapika Lesa Ukwa Mutundu wa Muntu nangwa Baibolo—Cebo ca kwa Lesa Nelyo ca Muntu? Bipwilo byabula ano mabuku byakonsha kusha buku wa Popwelai Lesa Yenka wa Kine.

◼ Bipwilo byafwainwa kupana magazini a bukumo a Kyamba kya Usopa ne Awake! ku basapwishi aku afikatu. Kino kikakwasha basapwishi kuyukila jimo bijiimo saka bakyangye kwiasha mu mwingilo wa mu bujimi.

◼ Mulongo ye batongola ku mukulumpe utangijila wafwainwa kubala mali a kipwilo a bañondo ba December, January ne February. Kechi mwafwainwa kwingijishangatu muntu umo kubala mali ne. Umvwe mwapwisha kubala, bijikai ku kipwilo pa kubijika sawakya mukwabo ukalondelapo wa mali.—Monai Mikambizho ya bya Kubala Mali a Kipwilo (S-27).

◼ Ofweshi wa musampi kechi utumina musapwishi mabuku o akeba bunke bwanji ne. Basapwishi bafwainwa kuoda mabuku kupichila mu kipwilo. Mukulumpe utangijila wafwainwa kumona’mba kubena kwikala kya kubijika ku kipwilo kya kubula basapwishi kunembesha mabuku o bakeba ku mulongo utala pa mabuku, oda wa kipwilo wa pa ñondo pa ñondo saka akyangye kutumwa ku musampi. Mwane yukai mabuku a oda wiikajila. (Kipwilo kyafwainwa kuodatu mabuku a oda wiikajila umvwe kuji babena kwiakeba.) Pepala wa literature Request form (S-14) wafwainwa kutumwa bukiji bukiji nangwa kya kuba pajitu bantu bacheche banembesha.

◼ Bamingilo batala pa magazini bafwainwa kumona kibelengelo kyo batambwila kya magazini a Kyamba kya Usopa kya kufundamo ne kya mu bujimi ne Awake!. Umvwe babena kutambwila magazini avujisha nangwa acheche, bafwainwa bukiji bukiji kukepeshako nangwa kunungako kibelengelo kwingijisha pepala wa M-202 Magazine Request Form. Yukai kuba’mba papita bañondo bacheche pa kuba’mba mutambwilenga kibelengelo kyo mwapimpula.

◼ Bipwilo byafwainwa kutendeka kuoda ma baundi volyumu a Kyamba kya Usopa ne Awake! wa 2007. Ano ma baundi volyumu ajitu mu mulaka wa Kizungu ne wa ki French. Pa mutanchi patanchikwa kibelengelo kya mabuku pakanembwa’mba “Bibena kwiya panyuma,” poso kimye ma baundi volyumu kyo akatumwa. Ma baundi volyumu ke bipe bya oda wiikajila.

◼ Mabuku Abukumo Ajipo:

“Come Be My Follower” (cf)—Mu Kichewa, Kibemba, Kizungu, ne ki French

“Come Be My Follower”—Mu bisopelo bikatampe (cflp)—Mu Kibemba, Kizungu, ne ki French

Watch Tower Publication Index 2006 (dx06)—Mulaka wa Kwamba na Maboko wa Kina America