Bya Kubijika
◼ Mabuku a kusha mu September: Byonka byo kyabijikilwe mu Mwingilo Wetu wa Bufumu wa August 2008. October: Kyamba kya Usopa ne Awake! Umvwe bantu bamwesha lusekelo lwa kukeba kufunda, isambai nabo mu talakiti ya kuba’mba Nanchi Mukeba Kuyuka Byavula pa Mambo a Baibolo Nyi? na mulanguluko wa kutendeka lufunjisho lwa Baibolo. Kabiji tukashanga ne buku wa Icaba Inkaama Ku Nsansa Sha Lupwa. Ibikishaiko kwingijisha ano mabuku mu bujimi mu uno ñondo. November: Mu milungu itanshi ibiji, pwishai mukwekele wiikajila wa kusha talakiti. Mu milungu ibiji yashala, shai buku wa Nanchi Baibolo Kine Ufunjisha’mba Ka? Ibikaiko kutendeka mafunjisho a Baibolo. December: Umuntu Wakulisha Uwabalile Abako Uwa Mweo. Umvwe bena nzubo baamba’mba baji na baana, bashilai buku wa Fundai ku Mufunjishi Wayukisha.
◼ Byo kiji kuba’mba ñondo wa November uji na milungu itanu, ke ñondo wawama bingi kwingilako bupainiya bwa kukwasha.
◼ Jashi jiikajila ja mvula bantu ja mu kimye kya Kivuluko kya mu 2009 jikambiwa mu mulungu wa April 20, 2009. Mutwe wa jino jashi ukabijikwa kimye kikwabo. Bipwilo byonse byo bakafwakeshanga ku mukulumpe wa kijiiji nangwa bikekala na kupwila kwa kijiiji nangwa kwa juba jimo mu uno mulungu, bikekala na jino jashi mulungu ukalondelapo. Kafwako kipwilo kyafwainwa kwamba jino jashi jiikajila mulungu wa April 20 saka akyangye kufika ne.
◼ Bipwilo byafwainwa kutatula kuoda mabaundi volyumu a Kyamba kya Usopa ne Awake! a 2008, Watch Tower Publications Index 2008 kabiji ne kaselechi ka Watchtower Library—2008 Edition on CD-ROM pa kukaodanga mabuku. Mwane yukai’mba Watchtower Library—2008 Edition unengezhewelwatu basapwishi babatizwa mu kipwilo kabiji wafwainwa kuodewatu kupichila mu kipwilo. Basapwishi bengijisha Watchtower Library kabiji babula kwingijisha mabaundi volyumu bafwainwa kumona inge bakonsha kuoda mabaundi volyumu nangwa ne.
◼ Binyu bya Kivuluko: Bipwilo biji mu mapunzha a mu mizhi byakonsha kutatula kuoda binyu kyonka kino kimye. Tumai mali ne kunemba Pepala wa Kutuminapo Mali (S-20) wiikajila. Nembai bulongo pa kishilwa’mba “MALI A BINYU.” KANGE mutume nkalata nangwa Literature Request Form (S-14) ne, tumaitu S-20 kyapwa. Umvwe mwabula kutuma mali, kechi mukatambwila binyu ne. Kabokoshi kamo ka 500ml kaji pa mutengo wa K10,000.00. Juba ja kupezhako kutambwila maoda a binyu ke December 31, 2008. Binyu bikatumwa mu February 2009.
◼ Mukulumpe utangijila nangwa mukwabo umo ye atongola wafwainwa kubala mali a kipwilo a bañondo ba June, July ne August. Kechi mwafwainwa kwingijishangatu muntu umo kubala mali ne. Umvwe wapwisha kubala, bijikai ku kipwilo panyuma ya kubijika sawakya mukwabo wa mali.—Monai Mikambizho ya bya Kubala Mali a Kipwilo (S-27).
◼ Kinembelo kya Mwaka kya mu 2009 kikatumwa ku bipwilo byaodele kabiji byatambwijile Kinembelo kya Mwaka kya mu 2008. Nangwa byonkabyo, bipwilo byalengwa katataka panyuma ya September 1 ne bipwilo byabujile kuoda ne kubula kutambwila Kinembelo kya Mwaka kya mu 2008 byafwainwa kutuma maoda abyo. Kinembelo kya Mwaka wa 2009 kikekalako mu Kibemba, Kichewa, Kikaonde, Kiloshi, Kilubale, Kilunda, Kiswahili, Kitonga, Kitumbuka ne Kizungu. Bino bintu bipulintwa na kampanyi yabula ya jibumba, onkao mambo twafwainwa kubingwilangako mambo pataiwa mali avula bingi, mutengo wa Kinembelo kimo kya Mwaka ke K3,000.00. Bipwilo byafwainwa kulamika kino kipachi kya Kinembelo kya Mwaka kya mu 2009 pa January 1, 2009.
◼ Kimye kimo ofweshi wa musampi utambwila Literature Request Forms (S-14) ne Congregation Request Forms (M-202) pabula kunembwa jizhina ja Kipwilo ne nambala yakyo. Onkao mambo, kikatazha bingi kukeba kuyuka bañanyi baoda mabuku. Kino ke kya kuvululako Munembeshi mu kipwilo kuba’mba wafwainwa kumona’mba jizhina ja kipwilo ne nambala yakyo byanembwa pa ano mapepala saka akyangye kusaina ne kutuma.
◼ Tuji na mabuloshuwa a Nanchi avula bingi mu milaka yambiwa muno mwetu, onkao mambo tubena kutundaika bipwilo kwiaoda kuba’mba mukeengijishe.
◼ Maselechi a bukumo ajipo:
Live With Jehovah’s Day in Mind (cdjd)—Kizungu
◼ Kyamba kya Usopa ne Awake! mu Kizungu kyabikwa pa Web site www.pr418.com. Bavula bafumya ano mawi a magazini, ao eya kwikalako ma CD nangwa ma MP3 saka akyangye kufika mu bipwilo. Basapwishi babena kufumya magazini pa selechi wa pa kompyuta batundaikwa kubula wamwingilo utala pa magazini kufuta oda wabo wa CD nangwa MP3.
◼ Maselechi a bukumo ajipo a kufumya pa intaneti www.pr418.com:
Live With Jehovah’s Day in Mind—Kizungu
(Bengijisha iPod bakonsha kusala M4B (AAC), muji ne bipikichala bya kitango ne kitango). Yukai’mba: Pa kino kimye bikyangye kunengezhiwa kuba’mba mwibiode. Nangwa kya kuba jibumba bejilipilisha mali pa kufumya mawi pa kompyuta, jino jishinda jikepeshako mali kukila kulenga ne kutuma ano maselechi.