Kupitulukamo Mu Sukulu Wa Mwingilo Wa Lesa
Ae mepuzho akekala a kwisamba mu Sukulu wa Mwingilo wa Lesa mu mulungu wa kutendeka October 27, 2008. Utangijila sukulu ukepuzhatu ano mepuzho a kupitulukamo kwa maminiti 30 mu byambo byafunjiwe mu majashi a mulungu wa September 1 kufika ku wa October 27, 2008.
ÑAMBILO
1. Twakonsha kuyuka byepi ene mambo bantu bamo o baitabila mu bintu bimo? [be-CW pe. 259 jifuka (pala.) 1, 2]
2. Twakonsha kukwasha byepi muntu kufumya misalululo nangwa lumpatompato mu muchima wanji? [be-CW pe. 260 jifuka 2]
3. Twakonsha kukwasha byepi bo tufunjisha Baibolo kupesapesa michima yabo pa kuba’mba batwajijile kukomenako ku mupashi? [be-CW pe. 261 jifuka 3]
4. Ki ka kyo twafwainwa kuvulukanga byo twibikishako kufika banteleki betu pa michima? [be CW pe. 262 jifuka 5]
5. Mambo ka o twafwainwa kuteshako muchima kusunganga kimye pa kupwila kwa kipwilo? [be-CW pe. 263 jifuka 1, 3, ne kabokoshi]
JASHI NA. 1
6. Ki ka kyalengejile Paulo kunemba nkalata yanji itanshi ku bena Kolinda? [bsi08-1-KD pe. 20 jifuka 3]
7. Bintu ka byalengejile Paulo kunemba nkalata ya bubiji ku bena Kolinda? [bsi08-1-KD pe. 22 jifuka 1-2]
8. Bena Kilishitu bafwainwa kumonanga byepi mwingilo? [bsi08-1-KD pe. 22-23 jifuka 18]
9. Twakonsha kwitabilwa byepi kwi Lesa lelo jino ne kwikala balusekelo ku balongo betu byonka byajinga balongo mu Filipai? [bsi08-1-KD pe. 29 jifuka 12]
10. Ba Paulo ne balunda nanji bakwashishe byepi kipwilo kya mu Tesalonika? [bsi08-1-KD pe. 4 jifuka 13]
KUTANGA BAIBOLO KWA MULUNGU NE MULUNGU
11. ‘Kumufikizha awa muntu [mubi] kuji aye Satana amba, mubiji wanji onaike, mupashi wanji akapuluke’ kwayila mu ka? (1 Ko. 5:5) [w08 7/15 “Mambo a Yehoba o Omi−Bishinka Bikatampe Kufuma mu Makalata Anembejilwe Bena Kolinda”]
12. Bimye “binga” lufu lwa Yesu byo lwafwainwa kuvulukiwanga, kabiji “kimye” ka? (1 Ko. 11:26) [w08 7/15 “Mambo a Yehoba o Omi—Bishinka Bikatampe Kufuma mu Makalata Anembejilwe Bena Kolinda”]
13. Ñanyi kimwesho kyatongolwa mu 2 Kolinda 12:2-4, kabiji ñanyi wikimwene? [w04 11/1 pe. 8 jifuka 4; pe. 10 jifuka 9]
14. Mambo ka Paulo o aesakenyejile Mizhilo ya Mosesa ku “kalama wetu wa kwituleta kuji Kilishitu”? (Nga. 3:24) [w08 4/1 pe. 18-21]
15. Paulo watazhizhe mwepi byo alombele amba “mipashi yenu ne michima yenu ne mibiji yenu yonse pamo ilaminwe”? (1 Tesa. 5:23) [w08 9/15 “Mambo a Yehoba o Omi—Bishinka Bikatampe Kufuma mu Makalata Anembejilwe Bena Tesalonika ne Timoti”]