Bya Kubijika

◼ Mabuku a kusha mu January: Nanchi Baibolo Kine Ufunjisha’mba Ka? Umvwe bantu baji nanji uno buku, basapwishi bakonsha kusha buku yense ye baji nanji wa mapeja 192 wanembelwe mwaka wa 1992 saka akyangye kufika. February: Shai ano mabuku inge muji nao: Is There a Creator Who Cares About You?, Icaba Inkaama Ku Nsansa Sha Lupwa nangwa Baibolo Cebo ca kwa Lesa Nelyo ca Muntu? March: Nanchi Baibolo Kine Ufunjisha’mba Ka? Ibikaiko kutendeka mafunjisho a Baibolo. April: Magazini a Kyamba kya Usopa ne Awake! Pa kubwelako ku bantu bamwesheshe lusekelo lwa kukeba kufunda, kubikapotu ne boba batanwa ku Kivuluko nangwa batanwako ku kupwila kukatampe bo tubula kupwila nabo kimye kyonse, bashilai buku wa Nanchi Baibolo Kine Ufunjisha’mba Ka? Mulanguluko mwine wafwainwa kwikala wa kutatula lufunjisho lwa Baibolo mu uno buku.

◼ Kutatula mu March, jashi ja mvula bantu jo bakambanga bakalama ba myanzo jikekala na mutwe wa kuba’mba “Kulangulukanga bya Panopantanda ne, Teshai Muchima ku Bintu bya Bufumu.”

◼ Bipwilo byafwainwa kunengezha bulongo kwikala na Kivuluko kya uno mwaka kikekalako pa Kina, April 9, panyuma ya kuzhika juba. Kipwilo kyonse kyafwainwa kwiikela na Kivuluko kyakyo. Umvwe bipwilo byavula bingijisha Nzubo ya Bufumu imo, kipwilo kimo nangwa byavula byakonsha kwingijisha kishimikwa kingi pa jino juba. Umvwe kyakonsheka, twikimona namba kyakonsha kuwama umvwe saka papitako maminiti 40 pakachi inge kipwilo kimo kyapwisha pa kuba’mba kikwabo kitatule, kuba’mba bonse bakamwenemo mu kupwanañena pamo panyuma ya Kivuluko.