Kupitulukamo mu Sukulu wa Mwingilo wa Lesa

Ae mepuzho akekala a kwisamba mu Sukulu wa Mwingilo wa Lesa mu mulungu wa kutendeka February 23, 2009. Utangijila sukulu ukepuzhatu ano mepuzho a kupitulukamo kwa maminiti 20 mu byambo byafunjiwe mu majashi a milungu ya January 5 kufika ku February 23, 2009.

1. Nga Lesa wakonsheshe kusamisha byepi kyeya pa juba jitanshi umvwe kya kuba byeya byalengelwe pa juba ja buna? (Nte. 1:3, 16) [w04 1/1 pe. 6 jifu. 5]

2. Kishinka kya kuba’mba Yehoba kechi waambijile Nowa kwiikokesha ntanda byonka byo aambijile Adama walumbulukile ne, kimwesha ka? (Nte. 9:1) [it-2 pe. 1095 jifu. 6]

3. Ñanyi juba lulayañano lwa Abalahama jo lwatendekele kwingila, kabiji kufika kimye ka? (Nte. 12:1-4) [w04 2/1 pe. 14 jifu. 4; w01 9/1 pe. 9 jifu. 13]

4. Ki ka kyamwesheshe kuba’mba Nimalode ne boba bamulondejile bakankelwe kufikizha kikonkwanyi kyabo kya ‘kwilengela abo bene jizhina’? (Nte. 11:4) [w98-CW 3/15 pe. 25]

5. Byo kiji kuba’mba Lota bamwita’mba muntu “waoloka” mu Petelo wa bubiji 2:7, mambo ka o apanyijile baana banji ku kiombe kya bantu baluwankana? (Nte. 19:8) [w05 2/1 pe. 30 mafu. 15-16; w04 2/1 pe. 15 jifu. 3]

6. Byo kiji kuba’mba Banabalume bakamwa Lesa bafwainwe kulama ba mu kisemi kyabo, mambo ka Abalahama kyo atumijile Hegala ne Ishimela mu kiselebwa? (Nte. 21:10-21; 1 Timo. 5:8) [w88 2/15 pe. 31]

7. Lufunjisho ka lo twakonsha kufunjilako ku mukoyo wa Eliaza wa kubila bintu monka mukebela Yehoba pa kukebela Izaka mwana mukazhi? (Nte. 24:14, 15, 17-19, 26, 27) [w97-CW 1/1 pe. 31 jifu. 2]

8. Kiloto kya kwa Yakoba kyatajile mwepi byoamwene bamalaika saka ‘bakanjila ne kwikila pa ndandalashi’? (Nte. 28:10-13) [w03-CW 10/15 pe. 29 jifu. 1; it-2 pe. 189]

9. Mambo ka Lechela kyo akebejilenga kutambula bimandeleki bya baana ba kwa Liya? (Nte. 30:14, 15) [w04 2/1 pe. 16 jifu. 7]

10. Kya kumwenako kya kwa Yakoba kyawama byepi kwingijisha kupwishishamo mitotololo? (Nte. 33:3, 4) [g82 2/22 pe. 19 mafu. 8-10]