Bya Kubijika

◼ Mabuku akusha mu May: Magazini a Kyamba kya Usopa ne Awake! Pa kubwelako ku bantu bamwesheshe lusekelo lwa kukeba kufunda, kubikapotu ne batanwa ku Kivuluko nangwa batanwako ku kupwila kukatampe bo tubula kupwila nabo kimye kyonse, bashilai buku wa Nanchi Baibolo Kine Ufunjisha’mba Ka? Mulanguluko mwine wafwainwa kwikala wa kutatula lufunjisho lwa Baibolo mu uno buku. June: Nanchi Baibolo Kine Ufunjisha’mba Ka? Umvwe bantu baji nanji uno buku, basapwishi bakonsha kusha buku yense ye baji nanji wa mapeja 192 wanembelwe mwaka wa 1992 saka akyangye kufika. July ne August: Mwakonsha kusha buloshuwa wa mapeja 32.

◼ Umvwe mwanengezha kuya na kupwila kwa kipwilo, kubuñana kwa mwanzo ne kwa juba jimo nangwa kushonkena kwa nkambi mu kyalo kingi, kabiji umvwe mukeba kuyuka moba, bimye, ne mpunzha kokukekela, mwakonsha kwipuzha ku ofweshi wa musampi utala pa mwingilo wa mu kyokyo kyalo. Makeyala a maofweshi a misampi anembwa pa peja yapelako ya Yearbook wa katataka.