Kupitulukamo mu Sukulu wa Mwingilo wa Lesa

Ae mepuzho akekala a kwisamba mu Sukulu wa Mwingilo wa Lesa mu mulungu wa kutendeka October 26, 2009.

1. Byo kiji kuba’mba Yehoba ye waambijile Balamu kuyila pamo na banabalume ba kwa Balaka, mambo ka Yehoba o a mubukijile bukaji Balamu byo ayijile pamo na banabalume? (Bala. 22:20-22) [w04 8/1 pe. 32]

2. Finease ‘byo amwesheshe mukao’ pa mambo a Yehoba kwitukwasha byepi atweba kulangulukapo byo twipana kwi Lesa? (Bala. 25:11) [w95-CW 3/1 pe. 16 jifu. 13]

3. Mambo ka Yoshua o bamusajijile kwikala nswana mumi wa kwa Mosesa? (Bala. 27:15-19) [w02-CW 12/1 pe. 12 jifu. 1]

4. Nga Kubala 31:27 kwakonsha kukwasha byepi bena Kilishitu ba mu ano moba? [w05 6/1 pe. 32]

5. Mu ñanyi mashinda lunengezho lwa mizhi ya kupulukilamo o lwakwashishenga bena Isalela? (Bala 35:11, 12) [w95-CW 11/15 pe. 14 jifu. 17]

6. Mambo ka kyubilo kya milangwe o kyanemena ku bena Kilishitu, kabiji mu kwikala nakyo mufuma ka? (Mpitu. 1:13) [w03-CW 1/15 30; w00-CW 10/1 pe. 32 mafu. 1-3]

7. Mu ñanyi mashinda Mizhilo ya kwa Mosesa mo yamwesheshe bololoke bwa Yehoba? (Mpitu. 4:8) [w02 6/1 pe. 22 jifu. 8–pe. 23 mafu. 9-10]

8. Kwesakana na Mpitulukilo ya mu mizhilo 6:16-18, lumbululai jishinda jawama ne jatama ja kwesekelamo Yehoba? [w04 10/1 pe. 8]

9. Yehoba wamwenejile byepi bena Isalela bintu bikebewa kupichila mu byambo byanji, kabiji bino byambo byakonsha kwitukwasha byepi lelo jino? (Mpitu. 8:3) [w99-CW 8/15 mape. 25-26]

10. Nga Mpitulukilo ya mu mizhilo 12:16, 24, itukwasha byepi kuyuka mwa kubila na mashinda a kubukilwamo avwangamo kwingijisha mashi a muntu mwine? [w00-CW 10/15 pe. 30 jifu. 7]