Kalenda wa 2011 Waamba pa Kupopwela kwa Kisemi

Kupopwela kwa Kisemi kyo kishina kya Kalenda wa 2011 wa Bakamonyi ba kwa Yehoba. Mu kalenda muji bipichala bya bisemi bya mu ano moba ne bisemi byajingako mu moba anembejilwemo Baibolo. Kabiji muji ne bipichala bya bakalume ba Yehoba baji mu masongola ne babula mu masongola babena kufunda Mambo anji.

Mu kalenda muji bipikichala bya bantu batongolwa mu Baibolo batemenwe mizhilo ya Yehoba, kuba bino kwanemene bingi mambo kwibakwashanga kuyuka mwakwikela na makatazho o bapitangamo. (Sala. 1:2, 3) Bipikichala biji mu kalenda biketuvululangako buneme bwa Kupopwela kwa Kisemi, kikale tuji mu kisemi kikatampe nangwa kicheche, bonse mu kisemi twi Bakamonyi nangwa ne. Kabiji muji ne pa kunemba juba jo mwasala kwikelapo na Kupopwela kwa Kisemi. Nanchi mwanembapo juba nyi?