Bya Kubijika

◼ Mabuku a kusha mu March: Nanchi Baibolo Kine Ufunjisha’mba Ka? Ibikaiko kutendeka mafunjisho a Baibolo. April ne May: Kyamba kya Usopa ne Awake! Pa kubwelako ku bantu bamwesha lusekelo ne batainwe ku Kivuluko nangwa ku kupwila kukwabo, pano bino babula kupwanañana pamo na kipwilo, bashilai buku wa Baibolo Ufunjisha, na mulanguluko wa kutatula lufunjisho lwa Baibolo. June: Nanchi Baibolo Kine Ufunjisha’mba Ka? Ibikaiko kutendeka mafunjisho a Baibolo pa kimye kitanshi. Umvwe bantu baji nanji uno buku kabiji kechi babena kukeba kufunda Baibolo ne, basapwishi bakonsha kwibashila magazini a kala nangwa mabuloshuwa akwabo akonsha kwibazakula muchima.

◼ Kipwilo kingijisha Intaneti kibena kukeba kushinkwisha keyala wa www.jw.org, bakonsha kunembesha kupichila mu kutumina ServiceDepartment@zm.jw.org.

◼ Pa Kupwila kwa Mwingilo mu August, kukekala kwisamba pa Vidyo wa kuba’mba Jehovah’s Witnesses—Organized to Share the Good News. Umvwe mufwaye uno vidyo, mwafwainwa kunembesha bukiji bukiji kupichila mu kipwilo.

◼ Nanchi mujipo na sawakya wawama ye mwakonsha kutuma nyi? (Mana. 15:30; 25:25) Twakonsha kutemwa bingi kumumvwa! Mwakonsha kunemba sawakya wenu wa byamwekele mu mwingilo wa mu bujimi ne kumupana ku ukwatankanya mingilo ya jibumba ja bakulumpe kubaʼmba asaineko ne kumutuma ku ofweshi wa musampi, kunembapoʼmba “Attention Desk SSH.” Monaiʼmba mwamunemba bulongo, kubikapo jizhina jenu, myaka ne kipwilo kyo mujimo. Yukaiʼmba uno sawakya wafwainwa kufika ku musampi, juba ja 1 May saka jikyangye kufika.