Bya Kubijika

◼ Mabuku a kusha mu April ne May: Kyamba kya Usopa ne Awake! Kimye kya kubwelako ku bantu bamwesha lusekelo lwa kukeba kufunda, kubikapotu ne boba batainwe ku Kivuluko nangwa boba batanwako ku kukonkana kukatampe bo tubula kupwila nabo kimye kyonse, bashilai buku wa Nanchi Baibolo Kine Ufunjisha’mba Ka? June: Nanchi Baibolo Kine Ufunjisha’mba Ka? Ibikaiko kutendeka mafunjisho a Baibolo pa kimye kitanshi. Umvwe bantu baji nanji uno buku kabiji kechi babena kukeba kufunda Baibolo ne, basapwishi bakonsha kwibashila magazini a kala nangwa mabuloshuwa akwabo akonsha kwibazakula muchima. July: Basapwishi bakonsha kusha mabuloshuwa onse a mapa 32 aji panshipo umvwe baji nao: Ilyo Untu Watemwa Afwa, Mipashi ya Bafu Ya Konsha Kukukwashanyi Nangwa ku Kukozha? Nanchi Kine Koiji Nyi?, Mwakonsha Kwikala Balunda na Lesa!, The Bible—What is Its Message? Bakamonyi ba kwa Yehoba bo Bañanyi? ne Nanchi Wijitana Jishinda Jaya ku Bumi Nyi?

◼ Mutanchi wa kupwila kwa mulungu ukalondelapo panyuma ya kushonkena kwa nkambi wafwainwa kupimpulwa pa kuba’mba mukapituluke mu bintu byo mwafunjile ne kwimuvululako pa ene mambo o kyanemena kutanwa ku kushonkena kwa nkambi. Pa kupitapo ñondo umo nangwa babiji panyuma ya kushonkena kwa nkambi, mwafwainwa kwingijisha lubaji lwa bibena kukebewa pa kipwilo kupituluka mu bishinka byafunjiwe pa kushonkena basapwishi byo bamona’mba byakonsha kwibakwasha mu mwingilo.

◼ Kutendeka mu May, bipwilo byonse byafwainwa kutesha muchima ku kwingijisha Bibelushi bitanshi bya bañondo ba kulutwe kutendekelamo mafunjisho a Baibolo. Kibaba kya mu Kyamba kya Usopa kya kuba’mba “Fundainga Mambo a Lesa” kyanengezhiwa kukwasha basapwishi kuba kino. Jipa japelako ja Mwingilo Wetu wa Bufumu jikekalanga na mashinda a kushilamo magazini mu ñondo walondelapo, kubikapo ne jishinda ja kutendekelamo lufunjisho lwa Baibolo pa Kibelushi kitanshi kya yewo ñondo.