Bya Kubijika

◼ Mabuku a kusha mu September: Nanchi Baibolo Kine Ufunjisha’mba Ka? Ibikaiko kutendeka mafunjisho a Baibolo pa kimye kitanshi. Umvwe bena nzubo baamba’mba uno buku baji nanji, kabiji kechi bakeba lufunjisho lwa Baibolo ne, basapwishi bakonsha kwibashila magazini wa kala nangwa buloshuwa yense ye bakonsha kutemwa. October: Kyamba kya Usopa ne Awake! Umvwe bamwesha lusekelo, mwakonsha kwibashila talakiti wa Nanchi Mukeba Kuyuka Bukine Nyi? kabiji ne kwibikako kutendeka lufunjisho lwa Baibolo. November: Buloshuwa wa The Bible-What Is Its Message? Kununga pa uno buloshuwa, mwakonsha kusha buloshuwa yense wa mapa 32 o twashilenga mu July ne August 2011. (Monai Mwingilo Wetu wa Bufumu wa bano ba ñondo). December: Umuntu Wakulisha Uwabalile Abako Uwa Mweo. Umvwe bena nzubo baji na baana, shai buku wa Fundai ku Mufunjishi Wayukisha nangwa Buku Wami wa Mashimikila a mu Baibolo.

◼ Basapwishi bakengilanga mwingilo wa bupainiya bwa kukwasha mu ñondo wa March 2012, kikekala ko baji abo bene kwisajilapo kwingila maola 30 nangwa 50 akakebewanga pa ñondo. Kunungapo, umvwe kalama wa mwanzo ubena kufwakesha kipwilo kyenu mu ñondo wa March, bonse babena kwingilako bupainiya bwa kukwasha, kikale ba maola 30 nangwa 50, baitwa kutanwako ku kusambakana kwa bapainiya na kalama wa mwanzo. Bafwainwa kutendekela pamo ne kupwishisha pamo.

◼ Mu September, bakalama ba mwanzo batendekele kwamba jashi ja mvula bantu jiji na mutwe wa kuba’mba “Kwatankanai na Bantu ba Lesa ba Lusekelo.”