Byo Twaingijile mu Mwingilo wa mu Bujimi
Mu mwaka wa mwingilo wa 2011, kutendeka mu September, kwalengwa bipwilo bya katataka 101. Kabiji kino kyalengela kwikala na myanzo ya katataka 6. Kwesakana na byaawijile jimo Yehoba kupichila mu bangauzhi Hagai ne Isaya, Aye ubena kutenkenya ba mu mikoka kabiji ‘bya buneme bya ba mu mikoka yonse’ bibena kwiya ‘ku mutumba wa nzubo yanji’ ya kupopwelamo. (Hagai 2:7; Isa. 2:2, 3) Kwa kubula nangwa kuzhinaukatu ne, kino kyamwesha’mba basapwishi bonse babena kwingila bingi na ngovu kusapwila ne kulenga baana ba bwanga. Tubena kusanchila basapwishi bonse pa kizaku ne butemwe bo babena kumwesha.