Kupitulukamo mu Sukulu wa Mwingilo wa Lesa
Ae mepuzho akekala a kwisamba mu Sukulu wa Mwingilo wa Lesa mu mulungu wa kutendeka December 26, 2011.
1. Lufunjisho luji mu Byambo bya Mana 30:32 lwakonsha kwitukwasha byepi kubula kutwajijila kuzhingijisha muntu ye twatuntwisha? [Nov. 7, w08 11/15 ji. 19 mafu. 1-4]
2. Ñanyi ‘kusangalala’ kwakonsha kulengela muntu kwiumvwa watu? (Sapwi. 2:1) [Nov. 14, w08 4/15 ma. 21-22 mafu. 5-6]
3. Nangwa kya kuba bantu bamo bamba’mba byambo byaambile Solomone mu Musapwishi 3:1-9 bitundaika lufunjisho lwa kuba’mba bintu byonse bimwekela bantu mu bwikalo byanembejilwe jimo, nga byambo byo anembele mu Musapwishi 9:11, byatokeshapo byepi kuba’mba bintu bimwekela bantu mu bwikalo kechi byanembejilwe jimo ne? [Nov. 14, w03 9/1 ji. 23 jifu. 8]
4. Kizumba ka kiji mu ‘kukizhamo kwimona waoloka’? (Sapwi. 7:16) [Nov. 21, w10 10/15 ji. 9 mafu. 8-9]
5. Nga Lwimbo wa Solomone 2:7 umwesha byepi amba aba babena kukeba kusongola nangwa kusongolwa kechi bafwainwa kunyemena kusala muntu wa kutwela nanji mu masongola ne? [Nov. 28, w06 3/1 ji. 29 mafu. 7, 8]
6. Nga byambo bya kuba’mba ‘ku mivumbo ya mwanamukazhi wa ku Shulema kusuma munzungwe wa buki’ kabiji ne bikwabo bya kuba’mba ‘munshi ya lujimi wanji muji buki ne mukaka,’ bilumbulula ka? (Lwimbo 4:11) [Nov. 28, w07 3/1 ji. 18 jifu. 18]
7. Nga byambo bimenako Yesu bya kuba’mba “Upana maana Wa kukumya,” “Lesa wa bulume,” ne “Shabantu wa myaka” bitulengela byepi kuyuka byubilo bya kwa Yesu byo biji kabiji ne byo akalamanga mu ntanda ipya? (Isa. 9:6) [Dec. 12, w09 12/15 ji. 23 jifu. 18]
8. Lelo jino, bañanyi bo bakonsha kupashañanya ku ‘mukoka wa bena Isalela babujile kwakamwa Lesa’ kabiji bañanyi Yehoba bo akengijisha kwikala “kamama” ka kwibonawinako? (Isa. 10:5, 6) [Dec. 12, w05 10/1 ji. 11 jifu. 13]
9. Mambo ka byambo bya kwa Isaya byo aambijile jimo kuba’mba mu Babilona “kechi mukekala bantu jibiji ne” o byanemena, kabiji kufikizhiwa kwa bino byambo kwitulengela kwikala na ñanyi luketekelo? (Isa. 13:19, 20) [Dec. 19, bh kita. 2 mafu. 16-17]
10. Kimye ka Yesu kyo atambwile “kii wa nzubo ya Davida,” kabiji ubena kumwingijisha byepi? (Isa. 22:22) [Dec. 26, w09 1/15 ji. 31 jifu. 2]