Bya Kubijika

◼ Mabuku a kusha mu December: Umuntu Wakulisha Uwabalile Abako Uwa Mweo. Umvwe mu yoyo nzubo muji baana, bashilai buku wa Fundai ku Mufunjishi Wayukisha nangwa buku wa Buku Wami wa Mashimikila a mu Baibolo. January 2012: Nanchi Baibolo Kine Ufunjisha’mba Ka? Ibikaiko kutendeka mafunjisho a Baibolo pa kimye kitanshi kyo mwasha uno buku. Umvwe bantu baji nanji uno buku kabiji kechi babena kukeba kufunda Baibolo ne, basapwishi bakonsha kusha magazini a kala nangwa buloshuwa yense wakonsha kuzakula bantu muchima. February: Basapwishi bakonsha kushila bantu ano mabuku: Is There a Creator Who Cares About You?, Kintu Kilengela Kisemi Kwikala Kya Lusekelo, nangwa buku wa Baibolo—Cebo ca kwa Lesa Nelyo ca Muntu? March: Nanchi Baibolo Kine Ufunjisha’mba Ka? Ibikaiko kutendeka mafunjisho a Baibolo pa kimye kitanshi. Umvwe bantu baji nanji uno buku, kabiji bakana lufunjisho lwa Baibolo, basapwishi bakonsha kwibashila magazini a kala nangwa buloshuwa wakonsha kwibazakula muchima.

◼ Kivuluko kya mu 2013 kikekalako pa Kibiji pa 26 March.

◼ Kyanema bingi kuba’mba aba bakeba kwiya mu bujibumba na sakya na kufwakasha pa ofweshi wa musampi ku Makeni bafwainwa patanshi kwisamba na Ofweshi wa Betele (Bethel Office) kupichila mu kutuma nkalata nangwa foni. Kufwakasha kwikalako kufuma pa Kimo kufika pa Kitanu, kutendeka na kimye kya 8 koloko wa lukelo kufika ku 3 koloko wa mabanga. kafwako kufwakasha panyuma ya 3 koloko wa mabanga ne kumpelo ya milungu ne. Kimye kyo tubena kufwakesha ku ofweshi wa musampi, kimye kyonse twafwainwa kuvwalanga bulongo. Bivwalo bya kukailamo, majinizi ne matisheti nangwa mitañanyika ipi ne masanda kechi bikebewa ne. Mvwajilo yetu yafwainwa kwikala ya mushingi kabiji yo yafwainwa kuvwala boba babena kufwakesha pa Betele, “Nzubo ya Lesa.”