Bya Kubijika

◼ Mabuku a kusha mu January 2012: Nanchi Baibolo Kine Ufunjisha’mba Ka? Ibikaiko kutendeka mafunjisho a Baibolo pa kimye kitanshi kyo mwasha uno buku. Umvwe bantu baji nanji uno buku kabiji kechi babena kukeba kufunda Baibolo ne, basapwishi bakonsha kusha magazini a kala nangwa buloshuwa yense wakonsha kuzakula bantu muchima. February: Basapwishi bakonsha kushila bantu ano mabuku: Is There a Creator Who Cares About You?, Kintu Kilengela Kisemi Kwikala Kya Lusekelo, nangwa buku wa Baibolo—Cebo ca kwa Lesa Nelyo ca Muntu? March: Nanchi Baibolo Kine Ufunjisha’mba Ka? Ibikaiko kutendeka mafunjisho a Baibolo pa kimye kitanshi. Umvwe bantu baji nanji uno buku, kabiji bakana lufunjisho lwa Baibolo, basapwishi bakonsha kwibashila magazini a kala nangwa buloshuwa wakonsha kwibazakula muchima. April: Magazini a Kyamba kya Usopa ne Awake! Inge bantu bamwesha lusekelo, bashilai talakiti wa Nanchi Mukeba Kuyuka Bukine Nyi? ne kwibikako kutendeka lufunjisho lwa Baibolo. Pa kubwelako ku boba batainwe ku Kivuluko nangwa ku kupwilatu kukwabo bino kechi bapwanañana na kipwilo kimye kyonse ne, tai muchima pa kutendeka mafunjisho kwingijisha buku wa Baibolo Ufunjisha.

◼ Kutatula mu February, jashi ja mvula bantu jikambanga bakalama ba mwanzo jikekala na mutwe wa kuba’mba: “Nanchi Mwaketekela mwi Yehoba Nyi?”

◼ Mu Kyamba kya Usopa kya bena kengi kya February 1, 2012 ne bikwabo bikalondelapo, mukekalanga kibaba kya kuba’mba “Mafunjisho Ami a mu Baibolo.” Kino kibaba kyo banembela bansemi kwingijisha ku baana babo baji na myaka isatu ne kubwela panshi, bakekinunga pa bibaba bikwabo bya kuba’mba “Funjishainga Baana Benu” ne “Kibaba kya Bakyanyike.”

◼ Bipwilo byonse byafwainwa kumona’mba byatuma sawakya wa mwingilo wa mu bujimi bukiji ku ofweshi wa musampi pa ñondo pa ñondo. Aba batwala masawakya a bipwilo pa mpunzha po batambwila mabuku, bafwainwa kutwala bukiji ku ntendekelo ya ñondo motoka saka akyangye kupita. Banembeshi mu bipwilo bafwainwa kutuma sawakya wa kipwilo (nangwa masawakya akelwa) kupichila mu kunemba pa kafoni ka mulupi nangwa pa Intaneti (0977 34 52 35; InboxReportZMB@zm.jw.org) Kino kikakwasha bipwilo kubula kukilaukila pa kutuma sawakya.