Bya Kubijika

◼ Mabuku a kusha mu January ne February: Basapwishi bakonsha kusha amo pa ano mabuloshuwa aji na mapa 32 a kuba’mba: Ilyo Untu Watemwa Afwa, nangwa Mwakonsha Kwikala Balunda na Lesa! Pa kubwelako ku bantu bo mwisambile nabo, babulai byo tufunda Baibolo mu buku wa Baibolo Ufunjisha nangwa kwesakana na yewo muntu byoaji, mupai buloshuwa umo pa ano akuba’mba Umvwainga Byamba Lesa ne Umvwainga Byamba Lesa Mukekale Myaka, ne kutatula lufunjisho lwa Baibolo. March ne April: Magazini a Kyamba kya Usopa ne Labainga! Pa kubwelako ku bantu bo mwisambile nabo, babulai byo tufunda Baibolo mu buku wa Baibolo Ufunjisha nangwa kwesakana na yewo muntu byoaji, mupai buloshuwa umo pa ano akuba’mba Umvwainga Byamba Lesa nangwa Umvwainga Byamba Lesa Mukekale Myaka, ne kutatula lufunjisho lwa Baibolo.

◼ Jashi ja mvula bantu jikambanga bakalama ba mwanzo kutendeka mu March jikekala na mutwe wa kuba’mba “Mambo Awama . . . a ku Bisaka, Mikoka ne Njimi Yonse ya Bantu.”

◼ Basapwishi bakengilanga mwingilo wa bupainiya bwa kukwasha mu ñondo wa March 2013, bakonsha kwingila maola 30 nangwa 50 akakebewanga mu uno ñondo. Kunungapo, umvwe kalama wa mwanzo ubena kufwakesha kipwilo kyenu mu ñondo wa March, bonse babena kwingilako bupainiya bwa kukwasha, baitwa kutanwako ku kusambakana kwa bapainiya na kalama wa mwanzo. Bafwainwa kutendekela pamo ne kupwishisha pamo.

◼ Pa bañondo 6 bapitapo, Mazubo a Bufumu akatataka 8 beapaine kwi Yehoba. Ano mazubo a Bufumu ke Mpula, Mpanda, Mitumba, Chenda, Lweenge, Lusaka Matero North West, Kafumukache ne Chimpasha.