Byo Twaingijile mu Mwingilo wa mu Bujimi

Kya lusekelo bingi kuyuka bapainiya beikajila byo babena kwingila, babwela ku bantu 90 pa ñondo pa ñondo. Bano bamwingilo bafunjisha Baibolo bantu bavula bingi ne kukwasha bipwilo biji mu kukajilwa kwa basapwishi ba mambo awama byaikela mu mapunzha mwalepa. Bapainiya bakimye kyonse 12,700 nabo babena kwingila bingi nangovu mu uno mwingilo. Nanchi kuba twamonapo mashinda a kwibakwashishamo ne nyi?—km 11/10 ji. 4.