Bya Kubijika

◼ Mabuku a kusha mu September ne October: Kyamba kya Usopa ne Labainga! . November ne December: Nanchi Baibolo Kine Ufunjisha’mba Ka? nangwa Nanchi Mukeba Kuyuka Bukine Nyi?

◼ Jashi jiikajila ja mu 2014 ja mvula bantu jikalako panyuma ya kivuluko jikambiwa mu mulungu wa April 21. Mutwe wa jino jashi ukabijikwa kimye kikwabo. Bipwilo byonse byo bakafwakesha ku kalama wa mwanzo nangwa bikekala na kubuñana kwa mwanzo nangwa kwa juba jimo mu uno mulungu, bikekala na jino jashi mu mulungu ukalondelapo. Kafwako kipwilo kyafwainwa kwamba jino jashi jiikajila mulungu wa April 21 saka akyangye kufika ne.

◼ Kutendeka mu ñondo wa September 2013 Labainga! bakamubikanga mukachi ka Kyamba kya Usopa kya bantu bonse. Pa kino kimye, bipwilo bibena kutambwila makope abiji mukachi ka Labainga! nangwa Kyamba kya Usopa kya bantu bonse. Ukwatankanya Mingilo ya Jibumba ja Bakulumpe mu Kipwilo wafwainwa kumona kuba’mba babijika jino jishinda ja katataka ja kutambwilamo magazini pa Kupwila kwa Mwingilo. Bafwainwa kubijika saka bakyangye kubika magazini a September patambwila basapwishi magazini abo a kutanga. Mulongo ubena kubijika wafwainwa kumwesha byo bafwainwa kuba pa kusha magazini mu mwingilo. Umvwe muji na Labainga!, mwakonsha kufumya magazini uji mukachi ka Kyamba kya Usopa nangwa kumuseleshako pacheche pakuba’mba mwina nzubo amone kuba’mba mubena kumupa magazini onse abiji.

◼ Mabuku Akatataka Ajipo:

‘Ikalai Monka mu Butemwe bwa Lesa’ —Cinyanja

Mambo Awama Afuma kwi Lesa! —Nsenga