Byo Twaingijile mu Mwingilo wa mu Bujimi

Mu ñondo wa November twapaine mabuloshuwa ne matalakiti kukila pa 540,000 mu mwingilo.

Mu January twamwene kuba’mba ponse paji bipwilo bitanu, kipwilo kimo kibena kwingijisha keyala wetu wa jw.org. Bipwilo byaingijishe uno keyala pa kutuma masawakya a mwingilo wa mu bujimi. Uno keyala ubena kukwasha ne kuodelapo mabuku, kutuminapo nangwa kutambwilapo makalata kufuma ku musampi, ne mingilo ikwabo yanema. Nanchi kipwilo kyenu kibena kwingijisha uno keyala nyi?

Kufunjisha: Bakulumpe mu bipwilo bakila pa 9,700 bafunjile mu sukulu wa mulungu umo utelwa’mba Sukulu wa Bakulumpe mu Kipwilo. Mu May, baana basukulu mu kalasi wa nambala 10 wa Sukulu wa Bakalama Benda ne Bakazhi Babo bapwishishe kufunda. Mu yenkawa ñondo, bana basukulu mu kalasi wa busatu wa Sukulu wa Baibolo wa Bena Kilishitu Baji mu Masongola bapwishishe kabiji bebatumine kuya na kwingijila mu byalo byapusana pusana mu kibunji kya ku kabeta ka ku bulenge ka Africa.