Byo Twaingijile mu Mwingilo wa mu Bujimi

Tuji bingi na lusekelo pa kumona kuba’mba basapwishi ne bapainiya babena kutuma sawakya wa matalakiti ne mabuloshuwa o basha mu mwingilo pa ñondo pa ñondo. Mu March 2014, matalakiti ne mabuloshuwa 754,535 o asampanyiwe mu mwingilo. Tubena kwimusanchila bingi. Kabiji bimye 1,787,395 byo mwabwelele ku bantu bakeba kufunda Baibolo bibena kumweshatu patoka kuba’mba mubena kwingila bingi na ngovu. Twashiinwa kuba’mba “Mwine mwina bujimi” ubena kupesha mwingilo wenu wa kubyala ne kutekezha nkunwa ya bukine kabiji ukatwajijila ‘kwiikomesha.’—Mat. 9:38; 1 Ko. 3:6.