Byo Twaingijile mu Mwingilo wa mu Bujimi

◼ Byo twaingijile mwaka wapwa: Mu ñondo wa May mwamwekele bintu byanema bingi mu mwingilo wa Lesa mu Zambia. Mu nkambi ya Kabompo, mu kibunji kya buyeke muzhika, Ofweshi wa Bantuntuluzhi mutanshi kushimikwa muno mu Zambia wapainwe. Pa uno Ofweshi, paji maofweshi a bantuntuluzhi ne mwa kulaala jibumba jituntulula mulaka wa Kilubale. Papichile myaka isatu ne bañondo pa kuba’mba bapwishe kumushimika uno ofweshi. Pa mwaka umo ne bañondo basatu, kwaishile balongo ne banyenga 30 bafumine ku byalo bikwabo 5 ne balongo bakonkakwa baingijishe busendwe bwabo ne ngovu pa kuba uno mwingilo engilwe.

Kabiji tuji bingi na lusekelo kubijika kuba’mba mu yenka uno ñondo, Baibolo wa Binembelo bya Ntanda Ipya mu mulaka wa Kilubale walupwilwe. Balongo betu bamba mulaka wa Kilubale batemenwe bingi pa kutambula uno Baibolo mambo waingijisha jizhina ja Lesa kabiji wapela kumvwa, watuntululwa bulongo, kabiji wapeela kwingijisha mu mwingilo wa kusapwila. Twayai atweba bonse tutwajijile kwingijila pamo pa kuba’mba tulengele ‘mitundu yonse ya bantu ne njimi yonse’ kuyuka Yehoba ne Bufumu bwanji.—Lum. 7:9; Mat. 24:14.