Kupitulukamo mu Sukulu wa Mwingilo wa Lesa
Ano mepuzho o tukesamba mu Sukulu wa Mwingilo wa Lesa mu mulungu wa October 26, 2015.
Jishimikila jiji mu 2 Bamfumu 13:18, 19 jimwesha byepi buneme bwa kwikala na kizaku mu mwingilo wa Lesa ne kwingila na muchima yense? [Sept. 7, w10 4/15 ji. 26 jifu. 11]
Ñanyi walaminenga mu Isalela kimye Yona kyo aingijilenga mwingilo wa bungauzhi, kabiji mambo ka o twafwainwa kwambila’mba mwingilo waingijile Yona kechi wapelele ne, byonka byaamba 2 Bamfumu 14:23-25? [Sept. 7, ia kit. 13 ji. 108]
Ahaza wamwesheshe byepi’mba kechi waketekejile byaambile Lesa kupichila mwi ngauzhi Isaya ne, kabiji ñanyi bwipuzho bo twakonsha kwiipuzha umvwe ketukebe kufuukula bintu byanema? (2 Mfu. 16:7) [Sept. 14, w13 11/15 ji. 17 jifu. 5]
Ñanyi jishinda jaingijishe Labasheke jingijishapo ne balwanyi ba Lesa lelo jino, kabiji ñanyi kintu kyakonsha kwitukwasha kukana milanguluko yabo ya bubela? (2 Mfu. 18:22, 25) [Sept. 14, w10 7/15 ji. 13 jifu. 3-4]
Kya kumwenako kya kwa Yosiya kya kwipelula kyakonsha kwitukwasha byepi kwikala bantu bakonsha kufunjishiwa? (2 Mfu. 22:19, 20, tubyambo twa panshi) [Sept. 21, w01 11/1 ji. 15 jifu. 15]
Bintu byo bazhiikula bimwesha byepi amba bamfumu batongolwa mu 2 Bamfumu 25:27-30 bajingako? [Sept. 28, w08 12/15 ji. 22 jifu. 5]
Ñanyi bintu bisatu byalombele Yabezi kwi Yehoba, kabiji tufunjilako ka pa lulombelo? (1 Moba. 4:9, 10) [Oct. 5, w05 10/1 ji. 9 jifu. 6]
Kulanguluka pa nkondo yo baambapo mu 1 Byambo bya Moba 5:18-22 kwakonsha kwitukwasha byepi kulwa nkondo ya ku mupashi saka twachinchika? [Oct. 12, w05 10/1 ji. 9 jifu. 7]
Ñanyi kintu kyakwashishe Davida kuyuka mizhilo ya Yehoba yaambile pa mashi, kabiji kino kyo aubile kyakonsha kwitulengela kuba ka? (1 Moba. 11:17-19) [Oct. 19, w12 11/15 ma. 6-7 mafu. 12-14]
Ñanyi kintu Davida kyo asujile kuba byo asakilenga kutwala jikwachi ja lulayañano ku Yelusalema, kabiji ñanyi kintu kyo tufunjilako ku jino jishimikila? (1 Moba. 15:13) [Oct. 26, w03 5/1 ma. 10-11 mafu. 11-13]