Mambo ka o Mwatemenwa Bupopweshi bwa Kine?

Kimwesho kya nzubo ya Lesa kyamwene Ezikyo kyatundaikile bingi Bayudea bafumine mu buzha, mambo bashiinwe’mba bupopweshi bwa kine bukabwela byonka byo bwajinga kala. Mu ano moba a kupelako, bupopweshi bwa kine ‘bebwikazha peulu kukila mitumba ikwabo,’ kabiji tuji pa bantu bafuma mu bisaka byonse bya bantu babena kwiya ku uno mutumba. (Is 2:2) Nanchi kimye kyonse mumusanchila Yehoba byo mwamuyuka ne kumwingijila nyi?

BINTU BYAWAMA BIJI MU BUPOPWESHI BWA KINE:

• 

  Bunengezha mabuku apusana pusana aamba pa bya kuba na makatazho, muji mafunde a kulondela kabiji etukwasha kwikala na luketekelo.—Is 48:17, 18; 65:13; Lo 15:4

• Bwitukwasha kutemwa balongo ne banyenga mwaya ntanda.—Sl 133:1; Yoa 13:35

• Twingijila pamo ne Lesa mu mwingilo wawama.—By 20:35; 1Ko 3:9

• “Mutende wa Lesa” witukosesha mu bimye bya makatazho.—Fp 4:6, 7

• Kwikala na jiwi ja mu muchima jatoka.—2Ti 1:3

• “Bulunda bwa pa muchima ne Yehoba.”—Sl 25:14

Mu ñanyi mashinda mo mmweshesha’mba natemwa bupopweshi bwa kine?