Nanchi Mumona Yehoba byo Akumbula Milombelo Yenu Nyi?

Mu Baibolo mwanembwa milombelo yavula Yehoba yo akumbwile. Bakalume ba Yehoba byo bemwenejilenga Yehoba byo akumbwilenga milombelo yabo ne byo ebakwashishenga, lwitabilo lwabo lwakosejileko bingi. Onkao mambo, kyanema bingi kushinkamika pa kulomba ne kumona Yehoba byo akumbula. Vulukainga kuba’mba Yehoba Lesa wakonsha kukumbula milombelo yetu mu jishinda japusanako, nangwa kwitubila bintu byakila ne pa byo twalomba. (2Ko 12:7-9; Ef 3:20) Yehoba Lesa wakonsha kukumbula yepi milombelo yetu?

• Witukwasha kuchinchika kupichila mu kwitupa bulume, lwitabilo ne mutende wa mu milanguluko.—Fp 4:13

• Witupa maana a kwitukwasha kufuukula bintu bulongo.—Ya 1:5

• Witupa kizaku ne bulume bwa kwingila.—Fp 2:13

• Witukwasha kutekanya inge tuji na bijikila.—Fp 4:6, 7

• Witupa bakwetu bakwitukwasha.—1Yo 3:17, 18

• Ukwasha boba bo tulombelako.—By 12:5, 11

TAMBAI VIDYO WA KUBA’MBA YEHOBA ‘UMVWA MILOMBELO,’ APA BINO MUKUMBULE ANO MEPUZHO:

• Byapichilemo Mulongo Shimizu byakonsha kwitukwasha byepi umvwe tubena kukankalwa kwingila mingilo na mambo a kukolwa?

• Twakonsha kufunjilako ka ku Mulongo Shimizu?