FEBRUARY 19-25

BYA BUNEME BIJI MU MAMBO A LESA

1. “Anweba Yehoba, Nkemutotanga na Muchima Wami Yense”!

(Mamini. 10)

Yehoba wawama kwi atweba bonse (Sl 8:3-6; w21.08 3 jifu. 6)

Tumvwa bingi bulongo kupopwela Yehoba ne kubuulako bakwetu pa mingilo yanji yawama (Sl 9:1; w20.05 23 jifu. 10)

Kabiji tumutoota ne pa kwimba nyimbo na muchima yense (Sl 9:2; w22.04 7 jifu. 13)

Bipikichala: Mashinda a kutootelamo Yehoba. 1. Nyenga wakoma ubena kusapwila ku wingila mu kipatela. 2. Balongo ne banyenga babena kwimba pa kupwila. 3. Mwana wa mulume mwanyike wasutula kuboko kuba’mba akumbulepo pa kupwila. 4. Mulongo mwanyike ubena kwingilako mwingilo wa kuwamisha mu Nzubo ya Bufumu. 5. Nyenga mwanyike ubena kusapwila mukwabo mo bafunjila sukulu.

IIPUZHAI’MBA, ‘Mu ñanyi mashinda akwabo mo nakonsha kutootela Yehoba?’

2. Bishinka Bikwabo Byanema

(Mamini. 10)

Sl 8:3—Nyimbi wa Masalamo watazhizhe mwepi byo ambile pa minwe ya Lesa? (it-1 832)

Nembaipo mukumbu wenu
Ñanyi bishinka byo mwafunjile mu kutanga Baibolo kwa uno mulungu byo mukeba kwambapo?

Nembaipo mukumbu wenu

3. Kutanga Baibolo

(Mamini. 4) Sl 10:1-18 (th lufunjisho 11)

TAIKO MUCHIMA KU MWINGILO WA KUSAPWILA

4. Bya Kutendeka Mwisambo

(Mamini. 3) KU NZUBO KU NZUBO. Mwina nzubo wimubuula’mba kechi waitabila mwi Lesa ne. (lmd lufunjisho 5 kishinka 4)

5. Pa Kubwelako

(Mamini. 4) BUSAPWISHI BWA KUSHUKILWA. Mu mwisambo wafumineko, mwina nzubo wimubuujile’mba kechi waitabila mwi Lesa ne, bino ukeba kuyuka bishinka bimwesha’mba kine Mulenga koaji. (th lufunjisho 7)

6. Jashi

(Mamini. 5) w21.06 6-7 mafu. 15-18—Kishina: Kwashainga bo Mufunjisha Baibolo Kutoota Yehoba. (th lufunjisho 10)

BYAFWAINWA KWIKALA BENA KILISHITU

7. Byo Twakonsha Kwingila Bulongo Busapwishi bwa Kushukilwa

(Mamini. 10) Mwisambo.

Jishinda jimo jo twakonsha kutootelamo Yehoba ke kupichila mu kusapwila busapwishi bwa kushukilwa. (Sl 35:28) Patanshi twakonsha kumvwa moyo, bino inge twafunda bya kutendeka misambo na bantu mu jishinda jawama, kiketukwasha kuyuka bya kwingila busapwishi bwa kushukilwa, kabiji tukeyowanga bingi.

Lubaji lwafuma mu vidyo wa kuba’mba “Inengezhezhai Jimo Kusapwila “Mambo Awama a Mutende”—Monaingapo Mashinda a Kutendekelamo Mwisambo.” Nyenga watendeka mwisambo na mwanamukazhi waikala kwipi nanji mu kibamba mwakujila.

Tambishai VIDYO wa kuba’mba Inengezhezhai Jimo Kusapwila “Mambo Awama a Mutende”—Monaingapo Mashinda a Kutendekelamo Mwisambo. Apa bino mwipuzhe luonde amba:

Ñanyi bintu byo mwafunjilako ku uno vidyo byafwainwa kwimukwasha kusapwila bulongo busapwishi bwa kushukilwa?

Nembaipo mukumbu wenu

Ingijishai bino bishinka kwimukwasha kutendeka bulongo mwisambo:

Kimye kyonse inge mwafuma pa nzubo monaingapo mashinda mwakutendekela misambo. Lombai kwi Yehoba kwimukwasha kutaana bantu baji na muchima wa bukishinka
Kasulukilainga bantu ne kwibata muchima. Yukainga biji bantu bomutaana ne kumona bukine bwa mu Baibolo bwakonsha kwibakwasha
Monainga kanya ka kusenda nambala yabo ya foni inge kyakonsheka
Kechi mwafwainwa kumvwa bibi ku muchima inge mwisambo wapwa saka mukyangye kwibasapwila ne
Vulukainga bantu bo mwisambile nabo. Twajijilai kumwesha’mba mwibata muchima kupichila mu kwibatumina binembelo nangwa bibaaba bya pa jw.org

Esekai bino: Inge muntu wimwambila’mba mwapwijile byepi? Mubuulai pa byomwafunjile pa kupwila nangwa pa mwingilo wa kufunjisha bantu Baibolo.

FEBRUARY 19-25

SALAMO 8-10

Lwimbo 2 ne Lulombelo | Byambo bya Kushinkwila (Mini. 1)