MAY 5-11

BYA BUNEME BIJI MU MAMBO A LESA

1. Mu Kwingila na Ngovu Mufuma Byawama

(Mamini. 10)

Kutayanga kimye ku bintu byabula kunema ne (Man 12:11)

Ingilainga na ngovu ne kutako muchima (Man 12:24; w16.06 30 jifu. 6)

Bakemufweta inge ke mwingile na ngovu (Man 12:14)

Bipikichala: Mulongo wingila na ngovu kuwamisha mipaipi kabiji wabambakana mu mingilo ya Lesa. 1. Ubena kwenda saka asende ne byo engijisha pa kuwamisha mipaipi. 2. Ubena kukasa mupaipi mukatampe kwingijisha shipana. 3. Uji ku kupwila pamo na kisemi kyanji. Aye ne mwananji wamukazhi baimika maboko kuba’mba bakumbulepo. 4. Ubena kusapwila mwanamulume wingila pobapotesha maanyi kwingijisha talakiti.

BYA KUBA: Kwingila na ngovu kwituletela bingi lusekelo inge ketulanguluke pa byo tukwasha bakwetu.—By 20:35; w15 2/1 5 mafu. 4-6.

2. Bishinka Bikwabo Byanema

(Mamini. 10)

Man 12:16—Jifunde jitanwa pa kino kinembelo jakonsha kukwasha byepi muntu kuchinchika inge ubena kupita mu makatazho? (ijwyp kibaaba 95 mafu. 10-11)

Nembaipo mukumbu wenu
Ñanyi bishinka byo mwafunjile mu kutanga Baibolo kwa uno mulungu byo mukeba kwambapo?

Nembaipo mukumbu wenu

3. Kutanga Baibolo

(Mamini. 4) Man 12:1-20 (th lufunjisho 5)

TAIKO MUCHIMA KU MWINGILO WA KUSAPWILA

4. Bya Kutendeka Mwisambo

(Mamini. 2) KU NZUBO KU NZUBO. (lmd lufunjisho 1 kishinka 4)

5. Bya Kutendeka Mwisambo

(Mamini. 3) KU NZUBO KU NZUBO. Mubuulai pa lunengezho lwa kufunda Baibolo. (lmd lufunjisho 5 kishinka 4)

6. Pa Kubwelako

(Mamini. 3) BUSAPWISHI BWA KUSHUKILWA. Mweshai muntu uji na baana keyala wetu. (lmd lufunjisho 9 kishinka 3)

7. Kulumbulula byo Mwaitabilamo

(Mamini. 3) Kimwesho. ijwfq kibaaba 3—Kishina: Nanchi Mwaitabila’mba Yenu Bonkatu Muji mu Bupopweshi bwa Kine Nyi? (lmd lufunjisho 4 kishinka 3)

BYAFWAINWA KWIKALA BENA KILISHITU

8. Yehoba byo Etukwasha Inge Twakajilwa bya mu Bwikalo

(Mamini. 15) Mwisambo.

Nanchi mwakamwa kuba’mba nkito ikapwa nyi, inyi mwakamwa inge mukatwela nkito, nangwa kampe mwakamwa mambo kechi muji na mali akwikwashishamo luno ne kulutwe nenyi? Lelo jino, bintu mu ntanda bibena kuyatu na kutaminako. Nangwa byonkabyo, Yehoba witulaya’mba inge twamuketekela uketukwasha inge mwakumwena bya mu bwikalo mwakatazha.—Sl 46:1-3; 127:2; Mat 6:31-33.

Bipikichala byafuma mu vidyo wa kuba’mba “Yehoba Ukyangye Kundekelelapo Ne.” Mulongo Alvarado wakwata bakazhi banji ku maboko pa kulomba pamo na kisemi.

Tambishai VIDYO wa kuba’mba Yehoba Ukyangye Kundekelelapo Ne. Apa bino mwipuzhe luonde amba:

Ñanyi bintu byo tufunjilako ku byapichilemo Mulongo Alvarado?

Nembaipo mukumbu wenu

Tangai 1 Timoti 5:8. Apa bino mwipuzhe luonde amba:

Kino kinembelo kimukwasha byepi kuketekela’mba Yehoba ukwasha bapopweshi banji bakishinka kutaana bikebewa mu bwikalo?

Nembaipo mukumbu wenu

Langulukai pa ano mafunde a mu Baibolo byo akonsha kwimukwasha inge mwakajilwa bya mu bwikalo:

Pezhaiko bwikalo bwenu. Chinuzhukainga nkongole ne bya kupotapota.—Mat 6:22
Salainga nkito nangwa sukulu ikemukwashanga kutangizhako bya bufumu.—Fp 1:9-11
Ikalai bepelula ne kubula kumina kumo. Inge kechi mwatwela nkito ne, swainga kwingila mingilo iji yonse, ne mingilo yo mumona’mba ya panshi pa kuba’mba imukwashenga kumwena ba mu kisemi.—Man 14:23
Paingapo bakwenu bintu byo muji nabyo nangwa kya kuba kechi muji na bintu byavula ne.—Heb 13:16

9. Lufunjisho lwa Baibolo lwa Kipwilo

(Mamini. 30) bt kita. 26 mafu. 1-8, tubitenguluzha pa ma. 204, 208