JUNE 9-15
BYAMBO BYA MAANA 17
Lwimbo 157 ne Lulombelo | Byambo bya Kushinkwila (Mini. 1)
Bamulume ne mukazhi bena Isalela babena kuja shinkwa saka baikala mu mutende mu nzubo yabo nangwa kya kuba bayanji
1. Ikalainga mu Mutende mu Masongola Enu
(Mamini. 10)
Kulamawizha mutende mu masongola kechi kwapela ne, bino mufuma byawama bingi (Man 17:1; monai kipikichala kya pa nkupiko)
Kange mutobokenga ne pa tubintu tuchechetu ne (Man 17:9; g 9/14 11 jifu. 2)
Ikanyainga (Man 17:14; w08 7/1 20 jifu. 6–21 jifu. 1)
2. Bishinka Bikwabo Byanema
(Mamini. 10)
Man 17:24—Byambo bya kuba’mba “meso a muntu wakosama apitamotu kufika ne kwapela ntanda” bilumbulula ka? (it-1 790 jifu. 2)
Ñanyi bishinka byo mwafunjile mu kutanga Baibolo kwa uno mulungu byo mukeba kwambapo?
3. Kutanga Baibolo
(Mamini. 4) Man 17:1-17 (th lufunjisho 10)
4. Bya Kutendeka Mwisambo
(Mamini. 3) BUSAPWISHI BWA KUSHUKILWA. (lmd lufunjisho 3 kishinka 5)
5. Bya Kutendeka Mwisambo
(Mamini. 4) BUSAPWISHI BWA PA MVULA BANTU. Mubuulai pa lunengezho lwa kufunda Baibolo. (lmd lufunjisho 6 kishinka 4)
6. Jashi
(Mamini. 5) ijwbv kibaaba 60—Kishina: Kinembelo kya Byambo bya Maana 17:17 Kilumbulula Ka? (th lufunjisho 13)
Lwimbo 113
7. Ikalainga na Byubilo Byawama Byakonsha Kwimulengela Kwisambanga Bulongo
(Mamini. 15) Mwisambo.
Kwisamba bulongo kwanema bingi mambo kulengela kisemi kwikala na lusekelo. Kwisamba bulongo kwakonsha kukwasha ba mu kisemi kupwisha makatazho, kwitundaika ne kwikwasha mu kimye kya bya malwa. (Man 15:22) Mwakonsha kwisambanga byepi mu kisemi saka mwikasulukila?
Tanwainga Pamo na ba mu Kisemi Kyenu. (Mpi 6:6, 7) Inge ba mu kisemi ke bobile bintu pamo, nabiji kwingijila pamo mu mwingilo wa kusapwila ne kupwila kabiji ne kwikalapo na tubimye twa kukayila pamo, butemwe bwabo bubayilako kabiji bakwatakana bingi mu kisemi. Kuba bino kwibalengela kukasuluka pa kwisamba. Kimye kimo mwafwainwa kubangako ne bintu byatemwa ba mu kisemi nangwa kya kuba kechi mwibitemwa ne. Mu kuba bino mufuma byawama bingi. (Fp 2:3, 4) Mwafwainwa kwingijishanga byepi kimye kyenu bulongo pamo na kisemi?—Ef 5:15, 16.
Tambishai VIDYO wa kuba’mba Ubainga Bintu Bileta Mutende mu Kisemi—Isambainga Bulongo. Apa bino mwipuzhe luonde amba:
Kwingijisha mafoni mu jishinda jatama kwakonsha kulengela byepi ba mu kisemi kubula kwisambanga bulongo?
Ñanyi bintu byo mwafunjilako ku uno vidyo pa bya kwisamba bulongo?
Telekeshainga. (Ya 1:19) Javula baana bakasuluka kwamba inge bayuka’mba bansemi babo kechi basakuzhingila pa byo basakwibabuula ne. Onkao mambo, kechi mwafwainwa kuzhingila inge mwanenu wimubuula byo abena kupitamo ne. (Man 17:27) Pakuba telekainga na kifyele inge babena kwamba. Langulukainga pa byo babena kupitamo pa kuba’mba mwibakwashenga na kifyele.
8. Lufunjisho lwa Baibolo lwa Kipwilo
(Mamini. 30) bt kita. 27 mafu. 19-22, kakitenguluzha pa ji. 212