SEPTEMBER 15-21

BYA BUNEME BIJI MU MAMBO A LESA

Mwana ne inanji babena kwisamba bulongo saka baikala mu kipona.

1. Byo Tufunjilako ku Bintu Nsemi Wamukazhi byo Afunjishe Mwananji

(Mamini. 10)

Funjishainga baana benu pe Yehoba byo amona kwilaala ne masongola (Man 31:3, 10; w11 2/1 19 mafu. 7-8)

Funjishainga baana benu kwikala na mweno ya Yehoba pa maalwa (Man 31:4-6; ijwhf kibaaba 4 mafu. 11-13)

Funjishainga baana benu kukwashanga bantu byonka byuba Yehoba (Man 31:8, 9; g17.6 9 jifu. 5)

2. Bishinka Bikwabo Byanema

(Mamini. 10)

Man 31:10-31—Ñanyi bintu byakwashanga bena Isalela kulabijila Binembelo bya Kihebelu mu michima yabo? (w92 11/1 11 mafu. 7-8)

Nembaipo mukumbu wenu
Ñanyi bishinka byo mwafunjile mu kutanga Baibolo kwa uno mulungu byo mukeba kwambapo?

Nembaipo mukumbu wenu

3. Kutanga Baibolo

(Mamini. 4) Man 31:10-31 (th lufunjisho 10)

TAIKO MUCHIMA KU MWINGILO WA KUSAPWILA

4. Bya Kutendeka Mwisambo

(Mamini. 3) BUSAPWISHI BWA KUSHUKILWA. Tendekai mwisambo na muntu waamba nangwa kuba byawama. (lmd lufunjisho 5 kishinka 3)

5. Bya Kutendeka Mwisambo

(Mamini. 4) KU NZUBO KU NZUBO. Isambai na muntu kishinka kimo kiji pa “Bukine bo Tufunjisha Bantu” pa bya kulumbulula 1 mu buloshuwa wa kuba’mba Temwai Bantu. (lmd lufunjisho 1 kishinka 4)

6. Pa Kubwelako

(Mamini. 5) KU NZUBO KU NZUBO. Itai muntu ye mwashijile Kyamba kya Usopa kya Na.1 2025 kwiya na kutaanwa ku jashi jilondankana na Kivuluko. (lmd lufunjisho 7 kishinka 4)

BYAFWAINWA KWIKALA BENA KILISHITU

7. Kwashai Baana Benu Kwingijishanga Bulongo Biñambañamba

(Mamini. 8) Mwisambo.

Nanchi mumona banyike byo kibapeleela kuyuka bya kwingijisha foni nangwa tabuleti nyi? Banyike kechi kibakatazha kuyuka bya kwingijisha biñambañanba ne. Javula kechi bakebewa ne muntu wa kwibafunjisha bya kwibingijisha ne, bino kyanema kwibafunjisha bya kwibingijisha bulongo. Inge mwi bansemi mwakonsha kufunjisha byepi mwanenu kuyuka bya kwingijisha biñambañamba bulongo?

Kipikichala kyafuma mu vidyo wa kuba’mba “Ingijishanga Bulongo Kimye.” Saka aji ku kitulu, Sophia ubena kwingijisha tabuleti wanji. Na mambo a kuba’mba wabalama kechi wamona jisabi ja dolphin byo jibena kukaya na mpila ne.

Tambishai VIDYO wa kuba’mba Ingijishanga Bulongo Kimye. Apa bino mwipuzhe luonde amba:

Mambo ka o kyanemena kuyuka pa kupelela pa kwingijisha biñambañamba?

Nembaipo mukumbu wenu
Ñanyi bintu bikwabo bikebewa kimye?

Nembaipo mukumbu wenu

Pa kulenga mizhilo ya kulondela mu kisemi ingijishainga mafunde a mu Baibolo, kechi kulondelatu byuba bisemi bikwabo ne. (Nga 6:5) Mwakonsha kwiipuzha’mba:

Nanchi mwanami ufukuula bintu bulongo? Nanchi wikanya pa kwingijisha kiñambañamba kyami nyi? Nanchi inge waikala na kyanji ukekingijishanga bulongo nyi?—1Ko 9:25
Nanchi nakonsha kuleka mwanami kwingijishanga kiñambañamba saka aji kwa bunke nyi?—Man 18:1
Ñanyi misabilo ya pa intaneti yo nakonsha kuswisha mwanami kwingijishanga, kabiji yepi yo nafwainwa kumukanya?—Ef 5:3-5; Fp 4:8, 9
Nakonsha kuswisha kimye kyalepa byepi mwanami kwingijishanga kiñambañamba pa kuba’mba ekalengapo ne na kimye kya kuba bintu bikwabo byanema?—Mus 3:1

SEPTEMBER 15-21

BYAMBO BYA MAANA 31

Lwimbo 135 ne Lulombelo | Byambo bya Kushinkwila (Mini. 1.)