SEPTEMBER 29–OCTOBER 5

BYA BUNEME BIJI MU MAMBO A LESA

Ba mulume ne mukazhi babena kutangila pamo Baibolo. — Tanaingapo kimye kya kwikala pamo na benakwenu ne kufunda pe Yehoba

1. Koseshai Lutambo Wenu wa Mizhinge Isatu

(Mamini. 10)

Ikalaingapo na kimye kya kwisamba pa bintu byanema na benakwenu (Mus 3:1; ijwhf kibaaba 10 mafu. 2-8)

Ubilainga bintu pamo (Mus 4:9; w23.05 23-24 mafu. 12-14)

Anweba ne benakwenu twajijilai kukosesha bulunda bwenu ne Yehoba (Mus 4:12; w23.05 21 jifu. 3)

IIPUZHAI’MBA, ‘Masongola etu akekala byepi inge kya kuba kenshe benakwami ne kuya na kwingijila kwalepa?’

2. Bishinka Bikwabo Byanema

(Mamini. 10)

Mus 3:8—Ñanyi kimye kya kubula “kwitemwa”? (it “Butemwe” jifu. 39)

Nembaipo mukumbu wenu
Ñanyi bishinka byo mwafunjile mu kutanga Baibolo kwa uno mulungu byo mukeba kwambapo?

Nembaipo mukumbu wenu

3. Kutanga Baibolo

(Mamini. 4) Mus 4:1-16 (th lufunjisho 2)

TAIKO MUCHIMA KU MWINGILO WA KUSAPWILA

4. Bya Kutendeka Mwisambo

(Mamini. 3) KU NZUBO KU NZUBO. Tendekai mwisambo kwingijisha Kyamba kya usopa kya Na. 1 2025. Pimpulai mwisambo inge mwina nzubo watemwa mutwe mukwabo. (lmd lufunjisho 2 kishinka 5)

5. Pa Kubwelako

(Mamini. 4) BUSAPWISHI BWA KUSHUKILWA. Buulai muntu ye mwashijile Kyamba kya usopa kya Na. 1 2025 pa lunengezho lwa kufunda Baibolo. (lmd lufunjisho 9 kishinka 4)

6. Jashi

(Mamini. 5) lmd bya kulumbulula 1 kishinka 12—Kishina: Lesa Kechi uji na Misalululo Ne. (th lufunjisho 19)

BYAFWAINWA KWIKALA BENA KILISHITU

7. Londelainga Lutangijilo lwa Yehoba Inge Mwaikala na Makatazho mu Masongola

(Mamini. 15) Mwisambo.

Yehoba wapa bena Kilishitu baji mu masongola bintu byavula bya kwibakwasha kwikala na lusekelo. Nangwa byonkabyo, baji mu masongola javula bapita mu makatazho. (1Ko 7:28) Ano makatazho inge babula kwiengijilapo bukiji akonsha kulengela lusekelo mu masongola abo kupwa. Kabiji kino kyakonsha kwibalengela kutendeka kulangulaka’mba kechi bakekalapo na lusekelo ne. Inge kyaikala bino, mwakonsha kuba byepi?

Mu kifwanyikizho kya kuba’mba Butemwe bwa Kine bo Bwepi? muji banyike baji mu masongola bapichilenga mu makatazho abaya bingi. Nanchi mwavuluka bashanji mwana wa mukazhi byo bamufunjileko kimye kyo akebelenga kufuukulapo bintu kwa kubula kulanguluka pa byakebelenga Yehoba kuba’mba obe nyi?

Tambishai vidyo mwipi wafuma mu KIFWANYIKIZHO kya kuba’mba Butemwe bwa Kine bo Bwepi? Apa bino mwipuzhe luonde amba:

Mambo ka o kyanemena kulondela lutangijilo lwa Yehoba inge tubena kupita mu makatazho a mu masongola?—Is 48:17; Mat 19:6

Nembaipo mukumbu wenu

Inge mwaikala na makatazho mu masongola enu, twajijilai kuvwanga Yehoba mu masongola enu kupichila mu kupwila, kulomba, kutanga mambo a Lesa ne kusapwila. Pa kupwisha makatazho, ingijishainga mafunde a mu Baibolo. Kabiji mwakonsha kutaana ne bintu bikwabo byakonsha kwimukwasha mu mabuku etu alumbulula Baibolo. Kuba bino kukemukwasha kuyuka Yehoba byo akeba’mba mube na lukatazho lo mubena kupitamo. Kabiji kukamwesha’mba mubena kukeba Yehoba kwimukwasha ne kwimupesha.—Man 10:22; Is 41:10.

Kipikichala kyafuma mu vidyo wa kuba’mba “Kange Mujimbaikwe na Mutende wa Bubela Ne!—Ba Darrel ne Ba Deborah Freisinger.” Kipikichala kibena kumwesha nyenga Freisinger byo akijinga mwanyike saka abena kutala pa kipikichala.

Tambishai VIDYO wa kuba’mba Kange Mujimbaikwe na Mutende wa Bubela Ne!—Ba Darrel ne Ba Deborah Freisinger. Apa bino mwipuzhe luonde amba:

Ñanyi bintu byo mwafunjilako kwi Mulongo ne Nyenga Freisinger pa bya kupwisha makatazho a mu masongola?

Nembaipo mukumbu wenu

8. Lufunjisho lwa Baibolo lwa Kipwilo

(Mamini. 30) lfb lufunjisho 22, biji mu kipungu 5 ne lufunjisho 23