DECEMBER 8-14

BYA BUNEME BIJI MU MAMBO A LESA

Isaya ubena kutala mwiulu kabiji waswa kwikala ngauzhi wa Lesa.

1. “Amiwa Bano! Ntumai!”

(Mamini. 10)

Isaya wipaine kwikala ngauzhi wa Lesa kwakubula kukankazhama (Is 6:8; ip-1 93-94 mafu. 13-14)

Mwingilo ye bapeele Isaya wakatezhe bingi (Is 6:9, 10; ip-1 95 mafu. 15-16)

Mwingilo ye bapeele Isaya wa bungauzhi waimenejilengako mwingilo waingijile Yesu (Mat 13:13-15; ip-1 99 jifu. 23)

Isaya ubena kubuula jibumba ja bena Isalela baji pa kisankanyi byambo bya Yehoba. Bamo babena kumulengulula kabiji bakwabo babena kufumapo na bukaji.

BYA KULANGULUKAPO: Nakonsha kwikala byepi na muchima wa kwipana?

2. Bishinka Bikwabo Byanema

(Mamini. 10)

Is 7:3, 4—Mambo ka Yehoba kyo amwambijile Mfumu Ahaza amba ukapuluka? (w06 12/1 9 jifu. 4)

Nembaipo mukumbu wenu
Ñanyi bishinka byo mwafunjile mu kutanga Baibolo kwa uno mulungu byo mukeba kwambapo?

Nembaipo mukumbu wenu

3. Kutanga Baibolo

(Mamini. 4) Is 8:1-13 (th lufunjisho 5)

TAIKO MUCHIMA KU MWINGILO WA KUSAPWILA

4. Bya Kutendeka Mwisambo

(Mamini. 3) KU NZUBO KU NZUBO. Isambai na muntu pa mutwe umo wa mu Baibolo mu bya kulumbulula 1, mu buloshuwa wa Temwai Bantu. (lmd lufunjisho 4 kishinka 5)

5. Pa Kubwelako

(Mamini. 4) KU NZUBO KU NZUBO. Mubuulai pa lunengezho lwa kufunda Baibolo. (lmd lufunjisho 9 kishinka 3)

6. Pa Kubwelako

(Mamini. 5) KU NZUBO KU NZUBO. Mweshai bya kuba pa kufunjisha muntu Baibolo. (lmd lufunjisho 9 kishinka 5)

BYAFWAINWA KWIKALA BENA KILISHITU

7. Mwingilo Wetu wa Kusapwila ku Nzubo ku Nzubo Wanema Bingi

(Mamini. 15) Mwisambo.

Bakamonyi ba kwa Yehoba bayukanyikwa’mba bengila mwingilo wa kusapwila ku nzubo ku nzubo byonka byaubanga Yesu ne bena Kilishitu ba mu myaka kitota kitanshi.—Luk 10:5; By 5:42.

Nangwa byonkabyo, kechi twatwajijile kwingila mwingilo wa kusapwila ku nzubo ku nzubo mu kimye kya mwalo wa COVID-19 ne. Pano bino, twatele muchima pa kusapwila mambo awama kupichila mu busapwishi bwa kushukilwa, kunemba makalata ne kwingijisha mafoni. Twajinga bingi na lusekelo kuyuka ne kwingijisha ano mashinda awama a kusapwilamo. Ne lunotu mwingilo wa kusapwila ku nzubo ku nzubo wanema bingi. Nanchi ne anweba mwinengezha kwingilako mwingilo wa kusapwila ku nzubo ku nzubo nyi?

Mwingilo wa kusapwila ku nzubo ku nzubo witukwasha byepi kuba bino bintu?

Kusapwila ku bantu bonse mu nyaunda yetu

Nembaipo mukumbu wenu
Kuwamishako busendwe bwetu bwa kufunjisha ne kwikala na byubilo byawama nabiji kuchinchika, kubula misalululo ne kwipana kukwasha bantu

Nembaipo mukumbu wenu
Kutendeka kufunjisha bantu Baibolo

Nembaipo mukumbu wenu

Kipikichala kyafuma mu vidyo wa kuba’mba “Kusapwila mu Kimye Kyawama ne Kyatama.” Banyenga babiji babena kusapwila mwanamukazhi uji pa nzubo yanji.

Tambishai VIDEO wa kuba’mba Kusapwila mu Kimye Kyawama ne Kyatama. Apa bino mwipuzhe luonde amba:

Mwafunjilako ka ku basapwishi bepaine kukwasha bantu pa jikuji ja Faroe?

Nembaipo mukumbu wenu

8. Lufunjisho lwa Baibolo lwa Kipwilo

(Mamini. 30) lfb mafunjisho 42-43