Bintu Bikwabo Byakonsha Kukwasha Bansemi

Byonka byo mwamona, bishinka biji mu uno Labainga! byafuma mu Baibolo. Mu Baibolo muji lujimuno lwawama lwakonsha kukwasha bonse mu kisemi. Mafunde ajimo akonsha kukwasha bantu kwikala na milangwe ne kufuukula bintu bulongo.—Byambo bya Maana 1:1-4.

BAIBOLO WAKUMBULA NE MEPUZHO ANEMA A MU BWIKALO, NABIJI A KUBA’MBA:

• Mambo ka o twaikelako?

• Nanchi twakonsha kupamo Lesa mambo pa buyanji nyi?

• Ki ka kimweka inge muntu wafwa?

Tubena kwimutundaika kutanga Baibolo pa kuba’mba mutaane mikumbu ya ano mepuzho ne mepuzhotu akwabo. Tambai vidyo wa kuba’mba Mambo ka a Kufunjila Baibolo? Yai pa keyala wetu wa jw.org/kqn.